Euskal Herria deskubritzeko ibilaldien bilduma kaleratuko du 'Berria'-k

Txangoak 2-3 ordukoak dira, lagun artean, lasaitasunez egiteko modukoak. Halaber, ibilia atseginagoa egiteko, ia ibilbide guztiak zirkularrak dira, hau da, gune berean hasi eta amaitzen badira ere, joan-etorria bide desberdinetatik eskaintzen dute.

Joxean Gil Garcia eta Mikel Arrizabalagak bilduma honetarako bereziki prestatu dituzten bueltak dira; asko, orain arte, ezezagunak. Fitxa bakoitzak, ibilbideaz gain, tokian-tokiko ohiturak, kondairak eta historia jasotzen ditu, irakurlearen gozagarrirako.

50 ibilaldi familia eta lagun artean bilduman aurkituko ditugu, besteak beste, honako txangoak:

Guardiako aintzirak, Valdejoroko altxorrak, Baltzolako barnemuinak, Turtzioz, Uliako itsaslabarrak, Zeraingo txoko ikusgarriak, Abbadiako lurrak eta gaztelua, Etxepetako bartak, Aldude ibarra, Irunberriko arroila, Vianako altxorrak eta Bargotako aztia...