Elhuyar Zientzia eta Teknika aldizkariaren zenbaki guztiak sarean dituzue
Elhuyar Zientzia eta Teknika aldizkariaren zenbaki guztiak jada Interneten daude kontsultagai, www.zientzia.net webgunean, hain zuzen. 2001ean sortu zen proiektua; lau urteko lanaren ondoren, aldizkarian argitaratutako ia 7.000 artikulu daude sarean. Hori ospatzeko, hiru aste iraungo duen lehiaketa egingo da www.zientzia.net webgunean. Sistek Informatika-etxeko PDA bat zozkatuko dugu.
Aldizkariak banaka kontsulta daitezke, edo, bilatzailea erabilita, bilaketa azkarrak egin daitezke nahi den aldizkari guztietan. Artikulu bakoitza ere bi modutara ikus daiteke: Interneteko HTML formatuan edo papereko itxura berarekin.
Lehiaketa
Proiektua burutu dugula ospatzeko, lehiaketa egingo da ostegunetik (hilak 18) aurrera, hiru astez. Astero Elhuyarren produktuak zozkatzeaz gain, Sistek Informatika-etxeko PDA bat ere eskuratu ahalko duzue.
Oso erraza da lehiaketan parte hartzea: www.zientzia.net webgunean erregistratu eta gero, aldizkariari buruzko lau galderari erantzun behar zaie astero. Webgunean bertan aurkituko dituzue erantzunak.
Galdera guztiak ondo erantzuten dituztenen artean, Elhuyarren produktu-sorta bat zozkatuko da astero; hiru astez lehiaketan parte hartu duten guztien artean, berriz, PDA bat. Oinarriak www.zientzia.net webgunean dituzue.
Erantzun
Sartu