Teknologia albisteak

Yahook Flickr erosi du

Sustatu

2005-03-21 : 10:03

Zurrumurru ugariren ondoren, Flickr-en weblogean egiaztatu dute albistea. Itxura batean, Yahooren barruan egon arren, argazkiak konpartitzeko web zerbitzua ez da desagertuko eta hobetu egingo da. Ikusiko dugu zer gertatzen den Flickr-ekin etorkizunean.

Joan den astean aurkeztu zuen Yahook 360 zerbitzua. Zerbitzu horretan argazkiak konpartitzeko erreminta bat ere iragartzen zuen Yahook, Flickr-en oinarrituta egongo omen zen erreminta. Orain, badirudi Flickr bera izango dela zerbitzu horretako erreminta.

Flickr-en blogean diotenez, Flickr-en kontua dutenek lehengo erabiltzaile izena erabili ahal izango dute. Baina, laster Yahooko ID-ak ere balioko du Flickr-en.