Google Desktop berria aurkeztu dute berrikuntza ugarirekin
Google Desktop Windows erabiltzaileentzako tresna bat da, beraien PC barruan bilaketak egiteko. Orain arte beta bertsioan zegoen, eta oraingo hau da bertsio egonkorra. Betarekin Explorerrekin bisitatutako orrialdeak bakarrik bilatu zitezkeen, bertsio berriak Mozilla, Firefox eta Netscapen ere bilatzen du.
Horiekin batera, Thunderbird, Netscape Mail eta Mozilla Mail posta elektronikoetako edukia, PDF dokumentuak eta fitxategi multimediak ere (musika, irudiak eta bideoak) indexatzen ditu Google Desktop berriak.
Betak ez bezala, Google Desktop berriak ez ditu weborri seguruak eta pasahitzez babestutako Officeko dokumentuak indexatzen.
Aplikazioak sortzeko aukera
Sistemako software bat ere eskaintzen du (APIetan oinarrituta) programatzaileek Google Desktopeko bilaketetan oinarritutako aplikazioak egiteko. Mahaigainean bilaketak egiteko pluginak ere sortu dituzte sistemako software horrekin.
Garatzaileak aplikazio propioak egin ditzaten animatzeko, Google kamiseta esklusiboak oparitzen hasi da. AdWords bidez aplikazio horien publizitatea doan egitea ere eskaintzen du Googlek.
/cache/Udako-Ola-2024_1_small_content.jpeg)
Erantzun
Sartu