Teknologia albisteak

Itsuei ikusten laguntzeko kamera

Sustatu

2005-02-25 : 08:02

Europako zientzialari batzuek protesis bat lortu dute itsuei ikusmena errekuperatzen laguntzeko. Proiektuak Microsystems-Based Visual Protesis (MiViP) du izena. Betaurreko batzuetan jartzen den kamera batek begiaren atzean dagoen gailu batera bideratzen ditu irudiak.

Transmisioa nerbio optikoarekin lotuta dagoen kable baten bidez egiten da. Oraingoz, bi itsuri ezarri diote sistema. Lovainako (Belgika) Unibertsitate Katolikoko doktoreek egin dituzte inplanteak.

Mundu guztiko 15 ikerketa-talde ari dira antzerako gailuak egiteko lanean.

Informazio gehiago duzue www.neurotech.be helbidean.