Nabigatu ezazu Firefoxekin eta utzi bazterrean Explorer
Gero eta gehiagotan entzuten duzu beste nabigatzaile bat erabiltzeko. Ba egin beharko zenuke segituan. Hemen daude arrazoi batzuk eta baita Firefoxen deskarga egiteko modua ere. Hartu bi minutu eta egin proba. 25 milioi deskarga egin dira dagoeneko.
Firefox zergatik?
- Mozillak garatutakoa da eta lehen ere asmatu izanak asko lagundu dio zabaltzerako orduan.
- Soft librean dago eginda eta doan jaitsi dezakezu Mozilla.org gunetik.
- Hizkuntza askotan dago (17 bat edo) eta euskaraz ere landu dute zerbait Librezalekoek (beta).
- Explorer-ek hamaika zulo dituelako eta astero berri bat duelako. Firefoxi ere aurkitu diote lehenengoa, baina erraza da konpontzen, TeknoSexua blog-ean ikus daiteke nola.
- Bizkorra da oso eta ez du pisurik.
- CERT-ek ere (Computer Emergency Readiness Team) Explorerra ez beste edozer erabiltzea gomendatzen du.
- Firefox erabiltzen dutenen %95ek egiten dute komentario positiboren bat eta Explorerrez ez du inork berba egiten, ez bada gaizki esateko...
- Apustu serioa da eta gogor jo du. Geratzeko etorri da eta dagoeneko milaka eta milaka erabiltzailek darabilte.
- Firefox eta Mozilla zeuden erabiltzaileen % 3,5arekin ekainean. Urrian, %6ra heldu zen. 2005erako espero da %10 izatea. Explorer, %95etik jeitsi da %92,9ra.
- Jabier Cerverari irakurri diezaiokegu: instala ezazu oraintxe: ona da bai zuretzako bai guretzako eta baita Microsoft-endako ere.
- Zein ona den fitxa bidezko nabigazioa. Hori ez du Explorerrek eta demasa da asko nabigatzen baduzu. Leiho bakar batean webgune bat baino gehiago zabalik.
- Pop-up-ak blokeatzen ditu eta baditu RSS-ak ere norbere webgune gogokoenak irakurtzeko.
- Hasi zen 0,8 bertsioarekin entzuten eta jaitsi zuten 3 milioik. 0.9 bertsioa 6 milioik, 1.0 beta bertsioak 8 milioik. Eta milioi bat lortu zuen lehenengo lau egunetan. Eta orain jaitsi dezakegunak? Ba 24 ordutan bakarrik lortu zuten milioi batek jaistea eta hori mozilla.org ataskatu egin zelako... Orain bagara 25 milioitik gora.
Consumer.es -eko artikulu oso interesgarri batetik atera dugu informazio gehiena. Benetako mehatxua da dagoeneko Firefox Explorerrendako. Eta zeini inporta dio ba Explorerreko jendea mehatxatuta sentitzea?
Erantzunak
Hainbat Librezalek
Firefox 1.0 euskaratzea lortu(*) dute. Hizkuntza fitxategia lortzeko librezale.org-eko deskarga gunean dago eskuragarri.
Proiektua oraindik beta bertsioan dago. Bertsio hau frogatu eta euren bizipenak kontatzeko prest dagoen jendea eskertuko dela esaten dute. "Firefox 1.0 Euskaraz Beta" foroa sortu dute esatekoak jasotzeko.
(*) Hizkuntza fitxategia GNU/Linuxpean ondo dabil, Windowspean akats batzuk konpondu behar izan dira eta Mac OS Xan oraindik ez dugu martxan ikusi.
Iturria: Librezale.org
Jarria daukat eta bera da nire nabigatzaile lehenetsia, baina ezin guztiz ahaztu IE.
Zenbatetan idatzi da sustatun ere, hainbat webgune berri egin eta ez direla mozilla eta firefox-ekin konpatibleak?
Zenbat erakunde publikok ematen dituzte zerbitzuak IE erabiltzaileentzat bakarrik?
Merezi du jartzeak, dudarik ez. Nire lehenetsia den arren, IE erabili behar nahi baino gehiagotan.
SpreadFirefox
webgunean jakinarazi dutenez kalera atera eta 100 egun geroago Firefox 1.0ren 25 milioigarren kopia deskargatu ziren.