Internet bidezko frantsesa-euskara auto ikaskuntza sistema Parisko Euskal Etxean
Miren Azkarate, Kultura Sailburua Parisko Expolangues azokan izango da gaur. Han Parisko Euskal Etxearekin izenpetuko du hitzarmena bertan ematen diren euskara eskolak sendotzeko. Habe-ren webgunearen bidez ematen diren eskolak egonkortuko ditu hitzarmenak. Expolangues azoka larunbatera bitartean egingo da Parisen, "Munduko hizkuntzak. Hizkuntzen mundua" izenburupean.
Parisko Euskal Etxearen egoitza berrian ematen dira euskara eskolak, Habe -ren Euskara Munduan egitasmoaren baitan. Eskola horiek egonkortu eta sendotuko ditu hitzarmenak.
Aurten ere euskara Expolanguesen
Expolangues azokaren XXIII. edizioa da aurtengoa eta euskara bertan izango da Eusko Jaurlaritzak jarriko duen standari esker. Programa ofizialaren baitan, euskarari buruzko tailer bat eskainiko du Lorea Bilbao Eusko Jaurlaritzako Euskara Sustatzeko zuzendariak. Pantxoa Etxegoien Euskal Kultur Erakundeko zuzendariak berriz, Euskara eta euskal kultura Frantzian hitzaldia eskainiko du.
Erantzun
Sartu