Galesko errugbi jarraitzaile batek barrabilak moztu zituen taldearen garaipena ospatzeko
Geoff Huish, 26 urteko galestarra, seguru zegoen Galesek ez zuela Ingalaterraren aurka irabaziko. Hala esan zien tabernan partidua ikusten zeuden bere lagunei: "Galesek irabazten badu, barrabilak moztuko ditut". Galesek irabazi eta Huishek, hitzeman bezala, barrabilak moztu zituen.
Joan den larunbatean gertatu zen hori. Gales Ingalaterraren aurka jokatzen ari zen partidua, Errugbiko Sei Nazioen Txapelketako lehen jardunaldian. Azken hamabi urteotan, ez zion behin ere partidurik irabazi Galesek Ingalaterrari. Baina, joan den larunbatean, 11-9 emaitzarekin irabazi zion.
Partidua amaitu ondoren, Huish (istorio honetako protagonista) etxera joan zen, aizto batekin barrabilak moztu eta tabernara itzuli zen barrabilak eskuan zituela, lagunei erakusteko.
Tabernariak larrialdietara deitu zuen segituan eta barrabilak zerbeza pinta batean jarri zituen, izotzarekin. Huish oso larri eraman zuten ospitalera. Buruko arazoak omen ditu Huishek.
Iturria: Loiclemeur.com
Erantzun
Sartu