Euskaraz nabigatzen duzu? Egizu gaurtik aurrera
Eustaten Inkestan esaten da 2004ko laugarren hiruhilekoan EAEko Internet erabiltzaileen %15,7ak nabigatzen duela euskaraz. Sustatun beste modu batera ulertzen dugu euskaraz nabigatzearen hori. Zehatz-mehatz neurtuta jakin dugu Sustatuzaleen % 31k nabigatzen duela euskaraz. Eta zuk?
Euskarazko edukietan nabigatzea
Euskarazko edukietan nabigatzea oso garrantzitsua da eta horretarako, euskarazko edukiak sortu behar dira. Zorionez, gero eta euskarazko eduki gehiago sortzen dihardugu eta gero eta gehiago diren blog-ek asko lagunduko dute horretan, seguru. Ondo etorri eduki sortzaile izango diren blogariei. Baina euskarazko edukietan nabigatzea da euskaraz nabigatzea?
Euskarazko aginduekin nabigatzea
Gaur egun, badaude nabigatzaile txukunak. Explorerra baino txukunagoak, asko. Euskaraz dagoen onena Mozilla da, hau da, actualizar beharrean berritu jartzen duena. Gainera, di-da batean jaisteko moduan dago. Nabigatzailea eta posta kudeatzailea batean ditu. Aginduak euskaraz eman diezazkiokegun tresna da. Orain Firefox dago modan, hala ere: nabigatzaile hutsa, pisu gutxiagoduna eta azkarra. Hau ere soft librean. Firefox hizkuntza askotan dago, baina oraindik ez dago euskaraz. Windows, Mac OS X eta Linuxerako jeitsi daiteke.
Lehenengo hitza euskaraz eskatuz nabigatzea
Bestelakoa da, ordea, zure nabigatzailearen lehenengo hitza zein hizkuntzatan agertzen den. Hau da euskaraz nabigatzeko eman beharreko lehenengo pausoa. Segituan lortu dezakezu, kosturik gabe eta ezer instalatu barik. Erabiltzen duzun nabigatzailea erabiltzen duzula ere esan diezaiokezu euskaraz gura dituzula edukiak bistaratzea. Sustatun jarri dugu hizkuntza aukera ongi egiten lagunduko dizun tresna. Berdin da zure nabigatzailea zein hizkuntzatan dagoen itxuraz. Zure nabigatzailea erdalduna izan daiteke, eta zuk euskarazko identifikazioa jarrita izan. Oraindik ez duzula jarrita? Animo!
Erantzunak
>
Aizue, duela bi hilabete dira Firefox euskaraz erabiltzen ari naizela, Librezaleko jendeari esker. Firefoxen euskarazko bertsioa jaitsi nahi duenak, hemen dauka.
---- Ba zorteko zaude. Eskertzekoa Librezalekoen ahalegina. Ni MAC X-n nabil eta badakit horretan dihardutela, baina euskaraz ez dago oraindik martxan. Portzierto, MAC X-etik behera daukazuenok ez saiatu ezta beste hizkuntzetan ere.
Eskerrik asko egindako lanagatik Librezalekoei, animo!
Horrela dio Osoitz Elkorobarrutiak: (*) Oraingo hizkuntza fitxategia GNU/Linuxpean ondo dabil eta Windowspean akats batzuk konpondu behar izan dira, Mac OS Xan oraindik ez dugu martxan ikusi.
> "Horrela dio":http://www.librezale.org/foroa/viewtopic.php?t=796 Osoitz Elkorobarrutiak: (*) Oraingo hizkuntza fitxategia GNU/Linuxpean ondo dabil eta Windowspean akats batzuk konpondu behar izan dira, Mac OS Xan oraindik ez dugu martxan ikusi.
KONTUZ: Kopiatu duzun testu hau zaharra da, sistema guztietan frogatu dugu eta badabil ondo. Baina hizkuntza fitxategia oraindik ez da ofiziala Mozilla Fundazioaren barne prozesuak direla eta (CVS kontua aktibatzeke dago oraindik).
Osoitz
> Firefox "hizkuntza askotan":http://www.mozilla.org/products/firefox/all.html dago, baina oraindik ez dago euskaraz.
Aizue, duela bi hilabete dira Firefox euskaraz erabiltzen ari naizela, Librezaleko jendeari esker. Firefoxen euskarazko bertsioa jaitsi nahi duenak, hemen dauka.