Literatura lehiaketa deitu du Kilometroak 2005ek
Sormen lehiaketa deitu berri du Kilometroak 2005 jaiak, 14 urtetik gorakoendako. Fernando Morillo idazleak hasitako nobelarako bukaera bat proposatu behar da. Argitaratuko den liburuan irabazlearen izena agertzeaz gain, nekazal turismo baten egonaldia emango dute sari bezala.
Literatura lehiaketa horretan parte hartzeko epea martxoaren 1era arte dago zabalik. Fernando Morillo idazleak hasitako testua Kilometroen webgunean ipini dute, hemen. Horretarako bukaera bat proposatu behar dute parte-hartzaileek. Oinarriak ere hor daude. 2-6 orrialde bitarteko lana aurkeztu behar da Arizmendi Ikastolan, Aretxabaletako Larrin plaza 1 helbidean.
Sariak
Nobela Elkar argitaletxeak kaleratuko du. Saritutakoaren izena aipatuko da. Epaimahaiak lan bat baino gehiago sari dezake, hau da, liburuak hainbat bukaera izan ditzake. Beste saria da Euskal Herriko Nekazal Turismo baten asteburuko egonaldia irabazlearendako eta hiru lagunendako.
Erantzun
Sartu