Ginux, Linux banaketa gipuzkoarra
Gipuzkoako Diputazioak Linuxen banaketa propioa sortuko du euskaraz: Ginux. Gipuzkoako udaletxeetan erabili ahal izango da. Horretarako lehiaketa publikoa deitu du Diputazioak.
Izfe bidez deitu du lehiaketa, Ginux Proiektuaren CD Matrizea Hornitzeko Lehiaketa, hain zuzen ere. Gehieneko aurrekontua izango da 90.000 eurokoa. Gipuzkoako Aldizkari Ofizialean argitaratu zuten iragarkia.
Debian euskaraz
Cybereuskadin irakurri dugunez, Eusko Jaurlaritza Debian-en euskarazko banaketa sortzeko lanetan ari da.
Erantzunak
>Igartuarekin ados nago erabat. Gainera, Eusko Jaurlaritza-n Wndows-ekin egiten ari diren negozioak aipatzea ahaztu zaio. KZguneetan, eskola eta institutuetan... ordaintzen ari diren lizentziekin, ez da "zatitxo"-ren bat geratuko poltsikoren batean?
Linux zaleok oso gatxa daukagu Euskadin, benetan.
Nahiz eta benetan pozgarria izango litzatekeen, erakunde publikoetan LINUX sistemak ikustea, nahiko sisnesgaitza iruditzen zait hau gertatzea.
Honek publizitate kanpaina bat dirudi zeren nahikoa da kzgune edo eskoletatik bueltatxo bat ematea, bertako ekipo guztiak Windows motako sistema eragileekin dabiltzala ikusteko.
Esan behar da gainera, aurretik kaleratu zela Mandrake-ren bertsio bat euskeraz, eta non geratu da? Lau katuk bakarrik daukagu eta gainera ez zegoen lan haundirik eginda (lehendik zegoen mandrakea hartu eta eusko jaularitzaren logoa jarri).Honen helburua eskoletan zabaltzea zen baina ikusten da ze nolako bultzada eman zaion eta zenbat zabaldu den.
Serioak izan gaitezen, benetan egia bada, egin dezatela, baina baita zabaltzen saiatu ere, software librearen kontzientzia pixka bat zabal dadin.