Teknologia albisteak

Mahaigaineko bilatzaile propioa eskainiko du Yahook

Sustatu

2004-12-13 : 10:12

Googlek eta Microsoftek daroaten produktuen politika agresiboari erantzun nahian, Yahook mahaigaineko bilatzaile propioa aurkeztuko du. Urtarrilean zehar egingo dira probak. Doakoa izango da. Ordenagailu pertsonaletako disko gogorrean bilaketak egiteko tresna da.

Yahooren mahaigaineko bilatzaileak X1 Technologies Kaliforniako enpresaren teknologia erabiliko du. Tresna honen bitartez bilaketak egin ahal izango dira disko gogorrean: posta elektronikoan, dokumentuetan, artxiboetan, argazkietan, etab.

Interneteko bilatzailean ere bai

Ahalmen horiek Yahooren on-line bilatzailean ere barneratuko dira. Horrela erabiltzaileek webgunean ez ezik, beste zenbait lekutan aurkitu ahal izango dituzte emaitzak: txat taldeetan, direkzio liburuetan eta berehalako mezularitza zerbitzuetako artxiboetan.

Googlek urrian atera zuen antzerako ezaugarriak dituen produktua: Google Desktop: Ordenagailuan bilaketak egiteko erreminta berria Bestalde, Microsoftek mahaigaineko bilaketa tresna erosi zuen uztailean eta urte amaierarako bilatzailea aterako zuela iragarri zuen.

AskJeeves bilatzaileak ere Tukaroo enpresari erosi zion uztailean bilatzaile bat, eta abenduan zehar aurkeztuko duela espero da.