Mozilla Thunderbird 1.0 kaleratu dute
Badugu Mozilla Thunderbird-en lehenengo bertsioa eskuratzeko aukera. Windows, Mac OS X eta Linux erabiltzaileentzako deskargatu daiteke. Hamabost hizkuntzatara itzuli dute dagoeneko.
Hilabete asko pasa dituzte Thunderbird-en betarekin. Baina, azkenean iritsi da eguna eta eskuragarri dago Mozilla Thunderbird 1.0. Hamabost hizkuntzatan dago oraingoz; tartean ingelesa eta katalana. Gaztelaniara itzultzen ari dira, baina euskaratzen ari diren berririk ez dugu.
Lehiakideak baino seguruagoa
Firefox-ek izan zuen oihartzun mediatiko txikiagoa izan du; GMail irten zenetik webmail-ek izan duten goraldia izan daiteke arrazoia.
Mozillaren Thunderbird-ek lehiakideek baino posta elektroniko seguruagoa eskaintzen du, librea du eta serieko antispam filtro bikaina du. Gainera, RSS feed-ak irakurtzekoa ere badauka.
Erantzunak
> Hilabete asko pasa dituzte Thunderbird-en betarekin. Baina, azkenean iritsi da eguna eta eskuragarri dago "Mozilla Thunderbird 1.0.":http://www.mozilla.org/products/thunderbird/ Hamabost hizkuntzatan dago oraingoz; tartean ingelesa eta katalana. "Gaztelaniara itzultzen":http://nave.escomposlinux.org/ ari dira, baina euskaratzen ari diren berririk ez dugu.
Librezalen bada asmoa Thunderbird euskaratzeko. Lehenik, baina, Firefoxen itzulpena guztiz amaitu nahi da.
Firefoxen euskaratze lanei buruz, badira berri onak: iadanik eskuragarri dago (beta bertsioa bada ere) Firefox euskaratzen duen xpi paketea. XPI hau oraindik froga bertsio bat da; ez da behin-behinekoa. Arazorik aurkituz gero, librezaleko foroan idatzi, mesedez.
Thunderbird programaren gaztelaniazko itzulpena duen XPI fitxategia prest dago NAVE gunean. (Adi!: gorde fitxategia zure ordenagailuan eta ondoren Extension gisa instalatu)
Gainera Linux eta Macerako programak itzulita dituzten instalazio fitxategiak ere deskargatu daitezke bertatik