Haur-pornografiaren aurka egin den operazioan 90 pertsona atxilotu dituzte
Atxilotutakoen artean irakasleak, ikasleak, informatika ingeniariak, garbitzaileak, funtzionarioak eta militarrak daude. Gainera, horietatik 21 adin txikikoak dira. Operazio honen barne, bederatzi pertsona atxilotu dituzte Euskal Autonomia Erkidegoan eta Nafarroan. Espainiako Poliziaren Zuzendaritza nagusiak jakinarazi duenez, atxiloketok 26 probintziatan egin dira eta inoizko operaziorik handiena izan da.
Internet trukaketa tresna bezala
Internet bidez trukatzen zituzten argazki eta bideoak. Horietan, adin txikikoak era guztietako sexu-ekintzak egiten agertzen ziren. Guztira, 83 etxebizitza miatu dituzte Estatu osoan. Eskuko ordenagailuak, 100 disko gogor baino gehiago eta milaka CD eta DVD atzeman ditu Poliziak. Aurkitu dituzten disko gogorretan, kalitate handiko milaka argazki pornografiko zeuden gordeta.
Atzemandako material guztiak eduki pornografikoa du eta haurrak ageri dira sexu-ekintzak egiten. Poliziaren arabera, Estatu espainiarrean haur-pornografiaren aurka inoiz egin den operaziorik handiena da.
Atxiloketak gaur egin badira ere, operazioa ekainean hasi zen. Iaz egin zuten beste operazio bat haur-pornografiaren kontra (abenduaren 16an). Orduan, guztira 27 pertsona atxilotu zituzten 12 probintziatan, haur-pornografia Internet bidez zabaltzea leporatuta.
EAEn eta Nafarroan
Hiru pertsona atxilotu dituzte Bizkaian, lau Gipuzkoan eta bana Araban eta Nafarroan. Bizkaian atxilotutako bi adin txikikoak dira.
Erantzunak
> Bai. Internet oso tresna arriskutsua da. Gauza oso zikinak gertatzen dira Interneten. Dena txarra dator Internetetik.
Bueno-bueno. Sustatuk ez du aipatu Internet parekatzeko Internet eta infernua. Kontua da, horrelako operazio bat egin balute eta aldizkari pornoetan oinarritua egon dela esan bagenu ba ez litzatekeela ezer gertatuko. Izan balitz telebistan ikusteko bideoak antzeman dituztela berdin. Izan balitz bideoak pasatzeko erabiltzen dituztela zaku patatak, ba esango genuke.Bideo-zintak pasatuko balituzte luxuxko autoen gurpiletan ezkutatuta ba esango genuke.
Telebista ez da txarra, autoak ez dira txarrak, saku patatak ez dira oso gauza zikinak, eta Internet, medio bat da, gauza zikin zein garbiak daudena.
Ez da aipatzen albiste honetan Internet eta alde txarrean laga, beste barik. Badakik askotan Internet kontu hauekin bakarrik aipatzen dela, batez ere telebistako albistegietan-eta...
Ez da Sustaturen kasua. Beraz, ez dut uste Interneti min egiten dionik horrelako aipamen batek, batez ere, bestelakoak asko egiten direlako blog honetan.
> Galdera xumea: saku patatak ala patata sakuak?
Beste galdera xume bat: Botila bat ardo ala ardo botila bat Ez da txantxetakoa izan horrekin izan den eztabaida. Dena den, Kasu honetan, saku patatak eta patata sakuak balio dute. Bideo-zinta batendako lekua bietan egon daiteke-eta :-)
> > Galdera xumea: saku patatak ala patata sakuak?
> Beste galdera xume bat: "Botila bat ardo ala ardo botila bat"http://www.sustatu.com/1096222571 Ez da txantxetakoa izan horrekin izan den eztabaida. Dena den, Kasu honetan, saku patatak eta patata sakuak balio dute. Bideo-zinta batendako lekua bietan egon daiteke-eta :-)
Ez dut uste kasu berdina direnik. Botilaren kasuan, ardoz betetako botila nola esan behar dugun eztabaidatzen zen. Oraingoan, sakuaren izena zein den (edukia edozein izanik ere).
Eta sakuaren kasuan, ez dago dudarik, patata sakua dela. Saku-patata, izatekotan, patata klaseren bat izango da, nik uste, goiz-patata izan daitekeen moduan. Ez behintzat patatak eramateko erabiltzen den saku klase bat.
> Eta sakuaren kasuan, ez dago dudarik, patata sakua dela. Saku-patata, izatekotan, patata klaseren bat izango da, nik uste, goiz-patata izan daitekeen moduan. Ez behintzat patatak eramateko erabiltzen den saku klase bat.
--- Ba izan daiteke. Ez dakit zergatik, baina nik erabiltzen dut saku patata. Esango nuke entzun ere egin dudala, baina, dena den, Asier, arrazoia duzu. Neuk erabiliko dut gaizki.
Iban
>
> Ez da Sustaturen kasua. Beraz, ez dut uste Interneti min egiten dionik horrelako aipamen batek, batez ere, bestelakoak asko egiten direlako blog honetan.
Bapo. Bai, Interneti buruzko benetako informazioa eskertzen dugu. Adibidez, zuen proiektu batek saria jaso du kongresu batean, eta han izan zarete, eta bidali diguzuen kronika benetan kilikagarria izan da: http://www.sustatu.com/1101202719 irakurtzeko modukoa aurretik hau irakurri genuenean
http://www.sustatu.com/1087800563
Jope. Komunikazio-proiektu eta profesional puntakoak benetan kongresu horretan... gauza interesgarriak entzungo ziren... eskerrik asko horren ondo informatzeagatik Interneteko aktualitateaz.
Bai. Internet oso tresna arriskutsua da. Gauza oso zikinak gertatzen dira Interneten. Dena txarra dator Internetetik.
Mesedez, itzali segituan ordenagailua ezer gertatu aurretik!