Urtarrilerako udalerri guztietara zabalduko da KZgune sarea
Hiru urtetatik hona, 250 udalerritatik 236tan daude KZguneak. 2005eko urtarrilean Euskadiko udal guztietara iritsiko dira KZguneak. Eusko Jaurlaritza eta udalen arteko elkarlana emango da.
Alde batetik, Udalek lokalak ezarriko dituzte, azpiegitura telefonikoz eta altzariz hornitutakoak. Ura, argia, garbitasuna Udalen esku egongo da. Bestetik, ordenagailuen eta tutoreen ardura Eusko Jaurlaritzak izango du; prestakuntza eskaintza ere Jaurlaritzak diseinatuko du.
Ekimenaren helburua informazio teknologiak bultzatzea da. Helmugak:
- 2004aren amaierarako edo 2005aren hasierarako KZguneen Sarea udal guztietara zabaltzea.
- 74.000 erabiltzailek Interneteko oinarrizko prestakuntza jasotzea (hau da, 15 urtetik gorako euskal herritarren %4).
Datu batzuk
- Orain artean, udalerrien %94k KZgune bat du gutxienez.
- Hasieran finkatutako kopuruaren %85ak, 63.000 erabiltzailek, Interneteko prestakuntza jaso du.
- KZguneetako erabiltzaile tipoa emakumea da (%63), langabetua, etxeko andrea edo erretiratua da (%50) eta 35 urtetik gora ditu (%72).
KZgune Sarearen lehen prozesua amaitzean, 273 zentro egongo dira guztira. Gainera, 10.000 biztanletik gorako udalerrietako lokaletan tutore bat egongo da zortzi orduz egunean.
Orain gutxi, salaketa
Euskadiko Prestakuntza Arautu Gabeko Ikastetxeen Federazioak KZguneen aurkako salaketa ezarri zuen orain egun batzuk. Federazioaren ustetan, KZguneek bidegabeko lehia egiten dute informatika akademia pribatuen aurrean. Sustatun eman genuen gai honen berri: KZguneen aurkako salaketa
Erantzun
Sartu