Teknologia albisteak

KZguneen aurkako salaketa

Erabiltzailearen aurpegia
Sustatu
2004-11-05 : 09:11

Euskadiko Prestakuntza Arautu Gabeko Ikastetxeen Federazioak KZguneen aurkako salaketa ezarri du. Federazioaren ustetan, KZguneek bidegabeko lehia egiten dute informatika akademia pribatuen aurrean.

Federazioaren iritziz, azken urtean zehar, akademien sektorean izandako mugimenduek bultzatu dute salaketa ezartzera. Federazioak jakinarazi duenez, azken urtean, hainbat akademiak ateak itxi dituzte (Gasteizen bostek, esaterako) eta beste batzuk ez daude egoera onean; gainera, adierazi dute Eusko Jaurlaritzak auzian izandako jarrera ere ez dela zuzena izan.

Salaketa edota erreklamazioa

Erreklamazioa datozen asteetan Konpententziaren Defentsarako Zerbitzuan aurkezteko asmoa dute; eta horrek irregulartasunen bat aurkituz gero, auzitegira bideratuko du. Erreklamazioak bi aspektu ditu:

  1. Alde batetik, Fecef-en ustez, KZguneek doako ikastaroekin "bidegabeko lehia" egiten dute.
  2. Bestetik, Federazioaren iritziz, Eusko Jaurlaritzak "nagusitasun jarreraren abusua" egiten du.

Gai honen aurrean, Eusko Jaurlaritzaren ustez, KZguneen jardunak ez du akademia pribatuen jardunean eragiten. KZguneek oinarrizko ikastaroak ematen dituztela dio, "informatika klasikoa" ukitu gabe.

Aurretikoak

Oraingo salaketaz gain, izan dira KZguneen aurkako ekintzak lehen ere. Hona bi:

  • 2002an Euskadiko Informatika Akademien Patronalak (Fecef), KZguneen bidegabeko lehia salatu zuen. Garai hartan KZguneen sarea sortzen zegoen eta horrek akademia pribatuei eragin txarra ekarriko ziela azaldu zuten. Akademia eta ziberkafe batzuen itxieraren berri eman zuten.
  • 2003an Fecef-ek KZgune sarea martxan jartzearen ondorioz, Bilboko hamar informatika akademia itxi zirela salatu zuen.

Erantzun

Twitter ikonoa  Facebook ikonoa  Sartu

Publizitatea

Jarraitu sustatu.eus

E-postaz, mezuz mezu:

E-postaz, eguneko buletina:

  • rss ikonoa

»» Aukera gehiago