Hizkuntzen Portfolio Europarra

Zer da Hizkuntzen Portfolio Europarra (HPE)?

Europako Kontseiluak bultzaturiko ekimena da, gobernu bakoitza bere kasa garatzen ari dena. Hizkuntza-ikaslearen kaiera moduko bat da. Horren jabeak bertan jasoko ditu ikasi dituen edo une horretan ikasten ari den hizkuntzen gaineko datuak eta gogoetak.

HPEa europar guztiei zuzenduta dago eta hiru atalek osatzen dute: a) Hizkuntz pasaportea; b) Biografia, eta c) Txostena. Portfolioa ikaslearena berarena da eta ez inongo erakunderena.

Europako Kontseiluak Portfolioaren bidez ondoko helburuak lortu nahi ditu:

• Europako hiritarren arteko elkar ulertzea eta tolerantzia bultzatzea.
• Dibertsitate linguistikoa eta kulturala babestea eta sustatzea.
• Bizitza osoan zeharreko hizkuntzen eta kulturen ikaskuntzaren bidez eleaniztasuna sustatzea.
• Europan barrena mugikortasuna errazte aldera, gaitasun linguistikoen eta hizkuntza-agirien deskribapen argia eta gardena lortzea.

Europako 19 herrik dute HPE ereduren bat balioztatuta eta dagoeneko 900.000 ikasle ari dira erabiltzen.

HPEa ezagutarazteko kanpainaren xehetasunak

Kanpaina hau euskara-irakasleei zuzenduta dago eta hitzaldiek eta mintegi birtualak osatzen dute.

Hitzaldiak

• Bilbon, 2004ko azaroaren 3an HABEren egoitza (Nikolas Alkorta kalea, 2)

• Donostian, 2004ko azaroaren 9an HABEren egoitza (Vitoria-Gasteiz kalea, 3)
• Gasteizen, 2004ko azaroaren 17an Oblatak (Portal de Castilla, 101)
• Santurtzin, 2004ko azaroaren 23an Kresala Aretoa (Jose Miguel Barandiaran kalea, 12)

Hitzaldi guztietarako ordutegia: 18:00 - 19:00

Hizlaria: Abel Camacho (Santurtziko Udal Euskaltegia)

Mintegi birtuala

Santurtziko Udal Euskaltegiaren plataforma telematikoan izango da 2004ko azaroaren 24tik abenduaren 17ra bitartean: www.santurtzieus.com

Hitzaldietan nahiz mintegi birtualean parte hartu ahal izango dute gaiarekin interesa duten guztiek.

Kanpaina honetan parte hartzea doanekoa izan arren, mintegi birtualean matrikulatzeko hainbat datu (izen-deiturak, lantokia, posta elektronikoa eta telefonoa) bidali beharko dira ondoko helbide elektronikora: adminABILDUAsanturtzieus.com, edo fax honetara: 944 610 215.