Teknologia albisteak

W3C mintegia Bilbon

Erabiltzailearen aurpegia
Sustatu
2004-10-15 : 10:10

Azaroaren 5ean web semantikoari buruzko mintegia egingo da Bilbon, W3C Estandarren 2004ko biraren barruan. Bertan izango da W3C Bulegoetako Zuzendaria Ivan Herman. Mintegirako izen-ematea doakoa da.

"Tutorial Basic Semantic Web technologies" mintegia Deustuko Unibertsitateko Ingeniaritza fakultateko bideokonferentzia gelan emango du Hermanek, azaroaren 5ean, 9:00etatik 12:30era. Izen-ematea doakoa da, baina derrigorrezkoa. Partehartzaile kopurua mugatua da eta mintegia ingelesez egingo da.

Web semantikoaren bira

Bilboko mintegia Espainiako W3C Bulegoa egiten ari den biraren geldialdietako bat da. Hasieran, Bilbo ez zegoen biraren barruan, baina Deustuko Unibertsitateko Ingeniaritza fakultateak erakutsitako interesa medio, Bilbon ere egingo dute mintegia.

Erantzun

Twitter ikonoa  Facebook ikonoa  Sartu