Teknologia albisteak

2004ko Ig Nobel Sariak

Sustatu

2004-10-05 : 10:10

Irailaren 30ean banatu zituzten 2004ko Ig Nobel Sariak, Harvard unibertsitatean. Urtero banatzen dituzte sari horiek, benetako Nobel sarien kontrapuntu bezala. Sariketa horretarako hautagaiak izaten dira hasieran barregura ematen dutenak, baina gero pentsarazi egiten duten asmakizun horiek.

Hona kategoria bakoitzean irabazi duen ikerketa:

Medikuntza: Country musikaren efektua suizidioan.
Fisika: Hula Hooparen erabileraren koordinazio moduak, dinamika multisegmentuan.
Osasun publikoa: Bost Segundoen Arauaren balio zientifikoa, lurrera erori den jaki baten kontsumoaren segurtasun edo arriskuari buruzkoa.
Kimika: Coca Colaren teknologia, Thames ibaiko ura Dasani-n bihurtzen duena (kanilako ura botilaratu eta urre-prezioan saltzea).
Ingeniaritza: Burusoilaren buruan dagoen ilea bakarrik erabiliz, soilgunea estaltzea lortzen duen orrazteko moduari dagokion patentea.
Literatura: Amerikako Biblioteka Nudista, nudismoaren historia zaintzen duelako mundu guztiak ikusteko aukera izan dezan.
Psikologia: Norbait zerbaiti jaramon handia egiten dagoenean, erraza da beste edozer gauza aintzat ez hartzea. Baieztapen horren frogapena.
Ekonomia: Indiarako otoitzak egiteko Vaticanoaren azpikontratazioa.
Bakea: Karaokearen asmatzaileari, munduko bakea handitu duelako.
Biologia: Sardinek puzkar bidez sortzen duten komunikazioaren gaineko ikerketa.