Autorik gabeko egunean, denok autoan
Autorik gabeko egun honetan, proposamen iraultzaile bat. Har dezagun denok autoa, ez utzi etxean!
Javier Ortiz-en blogean irakurri dut proposamen hori. Atzo irratiz entzun omen zuen berak, ekologista arabar baten ahotan (gutxi gora behera transkribaturik):
"Gasteizko autozale guztiak denak batera autoa martxan jarriko balute, orduerdi bakarrik beharko genuke sistema honen jasangarritasunaz (edo ez jasangarritasunaz) jabetzeko"
Nire kasuan, atzo txokea izan eta autoa izorratu dudanez, ahal dudan guztia egin dut, eta azkenean lortu dut 12 urtetako furgoneta zahar bat lanera etortzeko.
Gora autorik gabeko eguna!
Erantzunak
Gaur Gasteizen zirkulazio handia egon omen da. Kaleren batzuk itxita autoaren eguna dela eta. Beste kale batzuk itxita kale gorrian dauden Caballitokoek. Asko eta asko egongo ziren mekauendioska, seguru! Mekauendios handiagoak esango zituzten kaballitokoek: sei hilabete huelgan.
Tira: Caballitokoek sei hilabete ez baino, 11 hilabete daramate greban. Animo eta bejondeiela!
Autoari buruz: "eulituta" nago erabat, udalek antolatu dituzten ekimenekin eta prentsan ikusi dudan alferrikako propaganda piloarekin: errezkeria izugarria iruditzen zait, autorik gabeko eguna dela eta, udaletxe bakoitzak bere karteltxoa prentsan jarri eta haurrentzako lau bizikleta saio antolatzea. Horretan xahutzen dituzte gure diruak. Ea: nori otu zaio "autorik gabeko eguna" deitzea? Zer erantzun espero zuen?
Horrelako ekimenekin zenbat milaka urte beharko lirateke inor ezertaz konzientziatzea? Inor konzientziatzea da helburua, ala udaletxe, diputazio, jaurlaritza eta jaurlaritzatxo guztien ingurumen sailetako aurrekontuak zerbaiten xahutu direla eta, urte amaieran diru-kontuak koadratu eta zinegotzia,diputatua, sailburutxoa lasai-ederrean uztea, hileroko bere soldataxoa jasoz?
Guztiz ados.
Gasteizko Udalak autorik gabeko eguna ospatzen du. Kotxea etxean utzi behar, ingurumena, garapen jasangarria, loreak, erleak eta txoritxoak, baina badaezpada ere autobusen prezioa igo (edo gutxi barru igo behar) dute. Hor daude garraio publikoak bultzatzeko neurriak!