Hal 9000 zoratzen den unea: zientzia fikzioko eszenarik onena
Aditu talde baten arabera, Kubricken "2001: a space odissey (1968)" filmeko une hori da zientzia fikzioaren historian onena. Hal 9000 konputagailua erotzen den momentua, hain zuzen ere.
Stanley Kubricken pelikula aditu talde batek aukeratu du, tartean daude Gerry Anderson, Thunderbirdsen sortzailea eta OHE-en (Objektu Hegalari Ezezaguna) ikertzaileak. Konputagailuaren eromenak alde batera utzi zuen Alien pelikulako eszena gogoangarria: gizon baten bularretik izaki arraro bat irteten den unea.
2001: a space odissey filmeko protagonistak Keirr Dullea eta Gary Lockwood izan ziren, Jupiterrera zihoazen bi astronauten paperean.
Aditu taldeak zientzia fikzioko 30 eszenen artetik aukeratu zuen Kubrickena. Kontuan hartu zituzten beste bi eszena izan ziren Close Encounters of the Third Kind-en extralurtarrek kontaktua egin zutenekoa eta Star Wars-en Darth Vader Luke Skywalker aita dela jakiten denekoa.
Steven Spielbergek esan du 2001: a space odissey filmari esker egin zirela Close Encounters of the Third Kind eta Star Wars.
Erantzunak
Rutger Hauerrek diotso Harrisoni:
I've seen things you people wouldn't believe...
Attack ships on fire off the shoulder of Orion.
I watched c-beams glitter in the dark near Tanhauser Gate.
Pentsatzen dut gogoangarrien artean, Planet of the Apes haren amaieran Charlton Hestonek Askatasunaren estatua birrindua aurkitu zuenekoa gogoratzekoa dela. Tim Burton-en remakea txarra izan zen, baina azken eszenan hurbildu zitzaion eszena hari, Kapitolioko Lincoln-tximuarekin.
Baina nik Alienen agerpena nahiago. The Empire Strikes Back-eko planeta elurtuko lehen bataila ere ez dago gaizki.
Singularitatea esaten diote une horri, hain zuzen ere, iragan astean jorratu nuen gaia. Noizbait ordenagailuek aurrea hartuko digute? Matxinatuko zaizkigu?
"Yo he visto cosas que vosotros no creeríais. Atacar naves en llamas más allá de Orión. He visto Rayos-C brillar en la oscuridad cerca de la Puerta de Tannhäuser. Todos esos momentos se perderán en el tiempo como lágrimas en la lluvia. Es hora de morir."
Hauxe da parrafada hori, gaztelaniaz. Eta eszenarik onena ez bada, zineak eman duen heriotz ederrenetarikoa, bai.
> Aditu talde baten arabera, Kubricken "2001: a space odissey (1968)" filmeko une hori da zientzia fikzioaren historian onena. Hal 9000 konputagailua erotzen den momentua, hain zuzen ere.
Aizue, eta 'Blade Runner'-en erreplikanteak Harrison Ford akabatzera doanean kriston parrafada hura botatzen duenekoa, zer? Niri eszena hura da gehien gustatzen zaidana.