eGipuzkoa Planaren 2. Hitzaldi Zikloa

Gipuzkoako Foru Aldundiko Berrikuntzarako eta Jakintzaren Gizarterako Departamentuak honako egitaraua antolatu du:

Irailak 29: e-Hezkuntzari buruzko jardunaldia: Teknologia berriak hezkuntzaren esku

Lehen jardunaldi honetan, e-Hezkuntzari eta hezkuntzaren zerbitzura dauden teknologia berriei buruzko gogoeta egingo da. Esparruan egiten ari diren aurrerapausoak eztabaidatuko dira. Egitaraua

Eztabaida-lerroak:

• Nola aldatu ditu Internetek orain artean ezagutzen ziren irakasle eta ikasleen profilak?
• IKTei erabilera pedagogikoa emateko eduki eta metodo berriak sortu al dira?
• Nolakoa da hezkuntza-erkidego berria?
• Administrazioak Hezkuntzaren eta IKTen inguruan martxan jarritako politikak eta jarduerak.
• Irakasleek eta ikasleek teknologia berrien aurrean erakutsitako motibazioa eta jarrerak.

Irailak 30: Infoinklusioa: Informazioaren gizartea pertsona guztientzat

Bigarren jardunaldian, irailaren 30ean, honako gogoeta hau planteatuko da: nola integratu Informazioaren Gizartean arrazoi sozioekonomikoen edo fisikoen (minusbaliatuak) zein bestelakoen ondorioz bertan sartzeko zailtasunak dituzten kolektiboak? Egitaraua

Eztabaida lerroak:

• Online administraziorako Irisgarritasun Osoa.
• Irisgarritasun Osoa, orokorrean, teknologia berrien eduki eta zerbitzu guztietara.
• Arrail Digitala versus Aukera Digitala.
• Infoinklusioa: IKTek gizarte-kohesioa sustatzeko duten balioa.
• "Guztientzako diseinua" sustatzea.

Bi jardunaldiak doakoak dira. www.egipuzkoa.net webgunean eman daiteke izena. Plazak izena eman ahala esleituko dira.

Non

Donostiako Parke Teknologikoaren auditorioan egingo da Zikloa.

• Helbidea: Mikeletegi pasealekua, 53 - Miramongo Parkea. 20009 Donostia.

Jardunaldien gaineko informazio guztia www.egipuzkoa.net webgunean eskuratu daiteke.