Giga biko posta elektronikoa, dohainik... ...eta euskaraz!!!
Horixe da duela gutxi aurkitu berri dudana. Google-ren GMail famatuan izena emateko gonbidapenak salerosten diren bitartean, Burgosko enpresa batek gMailen eskaintza gainditu eta 2 Gb-eko doako posta elektronikoa eskaintzen hasi da... besteak beste euskaraz, katalanez zein galegoz erabil daitekeena.
Egia da euskarazko bertsioak bere akatsak dituela oraindik, baina eskertzekoa da benetan horrelako zerbitzu bat euskaraz emateko ahalegina. Probatu nahi duenak, xasamail helbidera jotzea besterik ez du.
Xasamail hori atari handiago baten zaia da nonbait, Burgosen finkatuta dagoen enpresa batek sortutako xasa izenekoarena, alegia. Momentuz badirudi posta dela euskaraz esaintzen duten zerbitzu bakarra, baina horrez gain bilatzailea, albisteak, wikipedia eta berri taldeak kudeatzeko aukera ere ematen ditu. Bisitatu beharrekoa, zalantzarik gabe!
Erantzunak
Google-ren GMail famatuan izena emateko gonbidapenak behar direnez eta ez dudanez bat jaso(nahiz eta lagun ugari gonbidapena debalde banatu) xasamail probatzea erabaki dot.
2 Gb-eko doako posta elektronikoa euskaraz (zein beste hizkuntzatan) eskaintzen hasi da, ta guztiz euskaratuta ez badago ere eskertzekoa da egin dute ahalegina. Probatu dot dagoeneko xasamail
Baina Gmail-en trukoa Gb bateko edukieran al dago?
Gmailen trukoa bere inguruko "misterioan" eta Google-k eskeintzen duen zerbitzua izatea da nire ustez. Eta baita eskaintzen duen bilaketa zerbitzuan ere. Mezuetan zehar egiten dituen bilaketak oso azkarrak dira.
Gainera, kontuan har ezazue beste gauza bat: Zenbat gastatu du Google-k Gmail publizitatzen? Nork egin dio Gmail-i publizitate kanpaina?
Spam kontrola nahiko ona du GMail-ek. Eta harekin batera lan egiteko gagdet mordoa ari dira asmatzen, gainera:
- Gmail-eko emaitzak Mozillan ikusteko gailua
- Zure posta zahar guztia bertara igotzeko zera
- Gmail blog edo disko gogor bezala erabiltzeko aplikazio estranbotikoak...
Eta nik zer dakit beste zenbat gauza.
Artikuluaren animoekin frogatzen hasia naiz eta ... funtzionatzen duela esan behar dut: ondo barrez!!
Produktu berriek Interneten "negozioen" iraultza lortuko al dute? Ez dut uste baina ... zuek nola ikusten duzue?