Biztanleak baino sakelako telefono gehiago Suedian
Sakelako telefonoak iraultza eragin du Suedian (Eskandinaviako herrialde gehienetan bezala). Poltsikoko telefonoak Suediara iritsi zirenean, ia hiritar guztiak joan ziren bat eskuratzera, Europako gainontzeko hiritarrak baino lehenago. Hala, suediarren %100,1-ak du sakelako telefonoa orain.
Suediako bazter guztietan aurki daitezke poltsikoko telefonoak. Dagens Nyheter egunkariak argitara eman duenez, 9,07 milioi suediarrek dute sakelako telefonoa, eta 8,98 milioi biztanle ditu Suediak. Hala ere, ikerlariek uste dute kopurua handitu egingo dela urte bukaerarako: 9,6 milioi telefonotara iritsiko omen dira.
Suediar askok sakelako telefono propioarekin batera, lanekoa erabiltzen du. Eta gazteenek txarteldun telefonoak erabiltzen dituzte.
EAEn, %83,7ak du poltsikoko telefonoa
Eustat-en datuen arabera, Euskal Autonomi Erkidegoko 15 urtetik gorako biztanleen artean, %83,7ak zuen sakelako telefonoa 2003ko azken hiruhilekoan: Arabarren %84,9ak, gipuzkoarren %83,7ak eta bizkaitarren %83,4ak.
Erantzun
Sartu