Security Focusek Explorer ez erabiltzea gomendatzen du
Segurtasunean berezitutako webgunea da Security Focus. Scott Grannemanek argitaratu du artikulu bat bertan, gomendatzen ez erabiltzeko Internet Explorer nabigatzailea.
Granneman-ek bere artikuluan dioenez, Internet Explorerren segurtasun akats asko aurkitu dituzte eta ez da batere segurua nabigatzaile hori erabiltzea.
Izan ere, 2001eko apirilaren 18a ezkero, 153 segurtasun zulo bilatu dituzte Microsoften nabigatzailean, Grannemanen arabera.
Azterketa Windows sistemen erabiltzaile eta administrariei zuzendua dago. Alternatiba moduan FireFox gomendatzen du Grannemanek. Dioenez, erabilgarriagoa eta konfiguratzeko errazagoa da FireFox, baina, batez ere, segurtasun aukerak nabarmentzen ditu.
Ez da berria
Sustatun ere izan genituen mintzagai Explorerren zulo eta akatsak, duela hilabete batzuk. Lotura honetan aurkituko duzu Mozillaren gaineko berri ere. Jo librezale.org gunera eta zuzenean deskargatu doako nabigatzaile euskaldun librea, Mozilla.
Erantzunak
EUSKALTERM Terminologia Banku Publikoaren arabera segurtasuna da. Bilatzailean seguritate bilatzen baduzu ez du emaitzarik ateratzen.
Baina oraindik ba al da Firefoxera igaro ez denik? ;)
Bestalde, gauzatxo bat: seguritate ala.. segurtasun?!