Sustatu da webgune euskaldunik bisitatuena, Alexaren esanetan
Cybereuskadi elkarteak bere webgunean euskal webguneen ranking-a kaleratzen du. Sailkapen horretarako Alexak ematen dituen datuetan oinarritzen da (sareko trafikoa aztertzen duen Amazon taldeko enpresa bat).
Cybereuskadiren sailkapen horretan Euskal Herriko webgune guztiak agertzen direnez, guk webgune euskaldun elebakarren sailkapena egin dugu, Habe eta AEK-ren webguneak gehituz (elebidunak). Eta hauxe da euskara hutsezko webguneen rankinga.
Podiumeko aurreneko hirurak Sustatu, Berria eta Euskalerria.org dira. Apur bat atzerago Zernola, Argia eta Santurtziko Udal Euskaltegia aurkituko ditugu.
Webgunearen izenaren aurretik agertzen den zenbakia ("56" Sustaturen kasuan) sailkapen orokorrean lortzen duen postua da, Euskal Herriko webgune guztiak kontuan hartuz.
Euskara Hutsezko Webguneen Rankinga
- 56: SUSTATU: www.sustatu.com
- 62: Berria: www.berria.info
- 90: Euskalerria.org: www.euskalerria.org
- 134: Zernola: www.zernola.net
- 156: Argia: www.argia.com
- 158: Santurtziko Udal Euskaltegia: www.santurtzieus.com
- 169: Zientzia.net: www.zientzia.net
- 174: HABE: www.habe.org
- 227: HH Hik Hasi: www.hikhasi.com
- 248: Aurki: www.aurki.com
- 263: Uztarria.com: www.uztarria.com
- 276: Ikastolen Elkartea: www.ikastola.net
- 278: Euskaltzaindia: www.euskaltzaindia.net
- 303: Euskararen Donostia Patronatua: www.euskaraz.net
- 312: Susa Literatura: www.susa-literatura.com
- 319: Armiarma: www.armiarma.com
- 361: Azpeitiko Euskara Patronatua: www.erabili.com
- 366: Euskara Gipuzkoan: www.gipuzkoaeuskara.net
- 376: Euskara(z) com: www.euskaraz.com
- 403: Nontzeberri. www.nontzeberri.com
- 410: UEU: www.ueu.org
- 470: Dantzan.com. www.dantzan.com
- 535: AEK. www.aeknet.net
- 628: Eibar.org: www.eibar.org
- 639: BIZKAIe!: www.bizkaie.biz
- 654: Sarean www.sarean.com
- 664: Kontseilua: www.kontseilua.org
- 677: Goiena: www.goiena.net
- 812: Euskal Idazleen Elkartea: www.idazleak.org
- 877: Hator: www.hator.com
- 943: Atxukale: www.atxukale.com
- 1048: Kontaizu: www.kontaizu.net
- 1094: Ukaberri: www.ukberri.net
- 1098: Bagera Net: www.bagera.net
Datuak apirilaren 26koak dira, eta aldaketaren bat egon daiteke harrezkero. Gainera, eskuz egindako sailkapena da, eta lehen 1.100 emaitzak bakarrik aztertuta egindakoa. Baliteke tartean beste webgune euskaldunen bat ere izatea. Hala bada, esaiguzu.
Beraz, Alexa eta Cybereuskadiren arabera Sustatu da webgune euskaldunik bistatuena. Hala ere, esan beharra dugu askotan kolokan jarri izan dela Alexaren datuen fidagarritasuna, batez ere zerrendako atzeko postuetan. Benetako datu zehatza baino, gutxi gorabeherako erreferentzia ematen digu.
Erantzunak kargatzen...
