Bizikleta, Interneterako konexio eta guzti
Yuri Guitman New Yorkeko artistak Interneterako konexioa eskaintzen duen bizikleta asmatu du; WIFI haririk gabeko sarearekin konektatzen da. Atzealdeko poltsan dago ordenagailua eta antenak bizikletaren egituran daude jarrita.
Bizikletako Internetek WIFIko sare libreen bidez funtzionatuko du. Batzuek diote ilegala dela hori, baina artistak dioenez, WIFI jabeek ez dute atzemango, baldin eta tamaina handiko artxiboak ez badituzte deskargatzen. Baina, nor hasiko da ba bizikletan doala pelikula bat jaisten?
Guitman edo MagicBike izena jarri diote bizikletari. New Yorkeko freekiei segituan eman zien atentzioa asmakizun berriak, eta orain, onlineko txirrindularien komunitate birtuala sortzea nahi du artistak. Hemen helbidea, zuk ere parte hartu nahi izanez gero: www.magicbike.net
Erantzun
Sartu