Lazarraga - Eskuizkribuaren transkripzioa
Joan Perez Lazarragakoren eskuizkribua faksimilean argitaratu zuen Gipuzkoako Foru Aldundiak 2004ko otsailean. Orain, eskuizkribu horren transkripzioa eskaintzen du Susak, literaturazaleak errazago irakur dezan.
Susa literatura argitaletxeak Lazarragaren eskuizkribuaren transkripzioa ipini du sarean:
Eskaintzen den transkripzioa ez da zientzi helburuz egina. Zientzilariek eurena egingo dute tokatuko denean. Oraingoko asmoa, literaturazaleak Lazarragaren eskuizkribua modu errazago eta arinago batez irakurri ahal izateko baliabidea sortzea besterik ez da izan. Esan liteke ia hutsean paleografikoa izan dela transkripzioa; ez da inongo ohar filologiko, historiko edo literariorik gehitu.
Zuzenketak eta iradokizunak, ongi-etorriak ezezik, aintzat hartuak izanen dira: zubitegia@armiarma.com.
Orriz orriko transkripzioaren testu osoa, RTF edo PDF formatuetan jaits daiteke. Irakurketa atseginago aldera, testuz testuko berrantolaketa ere, oso behin-behinekoa, eskura daiteke PDF formatuan.
Transkripzioaren egilea Iñigo Landa izan da.
Liburuaren aurkezpena egiten duen artikulua argitaratu genuen Sustatun otsailean.