Puffin: ordenagailuan bilaketak egiteko Googlen tresna
Google bilatzailea geroz eta handiagoa egiten ari da. Gmail zerbitzua aurkeztu zuten apirilean, eta orain, ordenagailu batean gordeta dauden artxiboak eta testuak bilatzeko erreminta garatzen ari da.
"Puffin" izena edukiko luke tresna horrek eta ordenagailuan bilaketak egiteko balioko luke; Microsoftek kontrolatzen du orain eremu hori.
Microsoftekin lehiatzeko
Proiektu hori burutuz gero, zuzenean Longhorn-ekin lehiatuko luke Gogglek. Hain zuzen ere, Longhorn izena izango du Windowsen hurrengo bertsioaren ordenagailuko bilatzaileak. Baina, Puffin eta Longhornen artean badago ezberdintasun handi bat; Googlen erreminta doakoa izango dela.
The New York Times-ek dioenez, Puffin tresna berriarekin Googlek nahi du bere bezeroen fideltasuna lortzea eta Microsoftek Windows berria kaleratzen duenean bezeroak ez galtzea.
Erantzun
Sartu