Michael Moore-en film berriak polemika piztu du estreinatu aurretik
Michael Moorek Bushen aurkako dokumentala egin du: "Fahrenheit 911". Disney-k filmaren estreinaldia eragotzi nahi du. Moorek George Bush familia saudi boteretsuekin erlazionatzen du dokumental honetan; horien artean, Osama Bin Laden-en familiarekin. Ez da pantailaratu, baina dagoeneko polemika piztu da.
Hainbat arazo
Mel Gibson kontserbadoreak ez zuen dokumentalaren produkzioa hartu nahi izan. Eta errepublikanoek boikot kanpaina bat abiarazi zuten Disney-k izan dezakeen parte hartzeagatik.
Daily Variety egunkariak orain gutxi argitaratu duenez, Walt Disney "Fahrenheit 911" izeneko dokumentalaren banaketa saihesten saiatu da. Banaketa Walt Disney-en barne dagoen Miramax Films-en egongo litzateke. Banaketa ez egitek erabakiak arazoak ekar ditzake Walt Disney eta Miramax Films-en artean; orain hamar urte erosi zuen Disney-k Miramax.
Azken hilabeteetako zurrumurruen arabera, dokumentala Estatu Batuetan uztailean estreinatuko dela adierazten dute. Baina, "Fahrenheit 911" ez da Miramax-en uda honetarako estreinaldi egutegian azaltzen. Blokeo honen aurrean bere iritzia eman du Michael Moore-k bere webgunean
Fahrenheit 911
"Fahrenheit 911": izenburuak Dorre Bikien eta Pentagonoaren aurkako erasoaldiari egiten dio erreferentzia, besteak beste. Dokumental honekin Moore-ek erakutsi nahi du irailaren 11ko erasoaren ondoren Ameriketako Estatu Batuek izan duten jokabide inperialista. Gainera, Bush-en familia eta Bin Laden-en familia elkarlotu nahi ditu Carlyle izeneko talde baten bitartez; Bush-ek Arabia Sauditan dituen ongile eta finantza lagunak direla uste baitu.
Orain gutxi, Michael Moore-k adierazi zuen telebistako saio batean, Estatu Batuetako Gobernuak badakiela non dagoen Bin Laden; baina, orain ez duela aurkitu nahi.
Ez dago argi nola frogatuko duen Moorek aipatu erlazioa; dokumentalaren helburua ikertzea da. Moorek The New Yorker aldizkariak atentatuen ondoren argitaratutako artikulu bat ekarri du gogora. Albisteak zihoen atentatuen ostean, Bin Laden-en 24 senideri Estatu Batuetatik ihes egin utzi zietela Arabia Saudiko jet pribatu batean; FBIak ikertu eta galdeketa egin baino lehenago.
Erantzunak
> Beraz, diru gutxi zeukan lehen, eta film berriari egiten ari zaion propaganda saio honekin, are diru gehiago egingo du. Berak, eta bere produktoreek ere bai.
Agian ni gauzak gaizki ulertzen nabil, baina ze arazo dau Michael Mooren filmaren arrakasta eta irabaziekin? Nik behintzat nahiago dut Michael Moorek esateko dauzkan gauzak arrakastatsuak izan daitezen ezezagunak izatea baino.
Irabazten duen diruari dagokionez, parte bat Bush agintetik kentzen saiatzeko erabiltzen ari da:
http://www.michaelmoore.com/books-films/dudewheresmycountry/taxcut/index.php
Michael Moore izan zen iaz Estatu Batuetan ez-fizkiozko liburu gehien saldu zituen autorea. Amazon.com-eko autore salduena izan zen.
Beraz, diru gutxi zeukan lehen, eta film berriari egiten ari zaion propaganda saio honekin, are diru gehiago egingo du. Berak, eta bere produktoreek ere bai.