Teknologia berrietan euskara sustatzeko dirulaguntzak, Eusko Jaurlaritzarenak

Euskal Herriko Agintaritzaren Aldizkarian irten zen atzo agindua. Zein atal eta zein motako proiekturako ematen diren jakiteko, iazko deialdiko testura egiten da erreferentzia, hona.

Honako hauek sustatuko dira:

• Euskararen ondarearen informazioa digitalizatu eta zabaltzeko egitasmoak.
• Aisialdirako ekoizkinak: euskarazko CD-Romak, bideo-jokoak, ordenagailu bidezko jokoak...
• Interneten bidez euskarazko zerbitzuak, baliabideak eta produktuak eta edukiak gizartera zabaltzeko egitasmoak.
• Hizkuntzen teknologietan euskara integratzeko proiektuak.
• Softwarea euskarara lokalizatzea edota euskaraz sortzea.

Eskaera egiteko baldintzen artean honako hau: proiektuaren edukiak osorik euskaraz egongo dira Euskaltzaindiaren arauak eta gomendioak betez.

Martxoan eman zuten iazko dirulaguntzen onuradunen berri, Sustatun eman genuen albistea.