New Yorkeko Euskal Etxeak albistegi digitala jarri du sarean
Webgune berriak landuko ditu AEBetako euskaldunekin zerikusirik duten albisteak. Hainbat hizkuntzatan argitaratzen dira albisteak, euskaraz ere egoten da bat edo beste. Hala ere, euskara bultzatzeko asmotan daude.
Euskaldunon berri
Luis Foncillas Etxebarria da New Yorkeko Euskal Etxeko presidentea. Bere esanetan, webgunea "albistegi elektroniko bat da, non Estatu Batuetan gertatzen diren euskaldunekin lotutako albisteak biltzen diren". Horretarako, "A Basque America" eta "NY-ko Eusko Etxea" atalak ageri dira.
Luis Foncillas Etxeberria, New Yorkeko Euskal Etxeko presidentearen hitzetan, "gure asmoa da Estatu Batuetako informazio eremuan euskalduna edo Euskal Herria bezalako hitzak agertzen direnean, dagokien albisteak berehala gure webgunera ekartzea".
Hauek dira webguneak dituen atalak:
- "New York News": hiriko berriak jasotzen dira atal honetan.
- "A Basque Amerika": euskaldunekin zerikusia duten Estatu Batuetako albisteak biltzen dira atal honetan.
- "Euskal Herria": Euskal Herriko albisteak.
- "Eusko Etxea of NY": bertako Euskal Etxearen gaineko informazio eta albisteak biltzen dira.
Euskal Etxeko webgunean hainbat hizkuntzatan ageri dira notiziak: euskaraz, gazteleraz eta ingelesez, laster baita frantsesez ere. Ez dago webgunearen hizkuntza bertsiorik, hizkuntza ezberdinetan idatzitako testuak bata bestearen ondoan argitaratzen dira. Webgunearen diseinua Iblnews New York enpresak egin du.
Aurreko albisteari gehitu nahi diot bakarrik, IBLNews entrepresa, Mikel Amigot nafarrak sortu duela.