Teknologia albisteak

"Sormen interaktiboa ": Interneteko Publizitatearen IV. Jardunaldia

Sustatu - Sustatu

2004-04-28 : 10:04

"Sormen interaktiboa" izenburupean, Interneteko publizitatearen gainean, jardunaldia egingo da Leioako Zientzien Fakultateko Paraninfoan (EHU), apirilaren 30ean. Interneteko Publizitatearen IV. Jardunaldia ikasle zein profesional guztiei zuzendutakoa da eta doakoa da. Jardunaldiaren zuzendaria eta antolatzailea Joseba A. Etxebarria Gangoiti da, Ikus-entzunezko Komunikazio eta Publizitate Saileko Irakaslea (EHU).

Egitaraua

09:15ean: Jardunaldiaren hasiera: Iñigo Atxutegi Basagoiti, Bizkaiko Foru Aldundiko Berrikuntza eta Ekonomi Sustapeneko Zuzendari Nagusia
09:30ean: Jardunaldiaren aurkezpena: Joseba A. Etxebarria, Interneteko Publizitatearen Jardunaldien Zuzendaria.
09:40ean: Lehenengo hitzaldia: Publizitate-euskarria Interneten eta sormena. Amaia Arozena, elcorreodigital.com-eko Zuzendari Teknikoa. Bilbo
10:30ean: Bigarren hitzaldia: Ekintza nabariak marketing integratuan: 2004ko sormen bikaina. Antonio Traugott, AGEMDI-ko Zuzendari Orokorra. Bartzelona.
11:30ean: Atsedenaldia.
12:00etan: Hirugarren hitzaldia: Sormen interaktiboa edo entzutearen balioa. Ana Caralt, Zentropy-ko Zuzendari Orokorra. Madril.
13:00etan: Laugarren hitzaldia: Sormen irabazlea. Daniel Solana, Doubleyou-ko Sormen Zuzendaria. Bartzelona.
14:00etan: Jardunaldiaren amaiera.

Jardunaldiari buruzko informazio gehiago www.iragar.net webgunean eskuratu daiteke. Jardunaldian parte hartuko duten hizlarien gaineko informazioa irakurri daiteke, esaterako. Jardunaldietan parte hartzeko izena eman daiteke on-line.