150 izendatu Webby sarietarako, tartean Al-Jazeeraren webgunea
Al-Jazeeraren webgunea, Legorena eta whitehouse.org webgune zirikatzailea dira Webby sarietarako izendatuetako batzuk. Guztira 150 webgune daude izendatuak Webby sarietarako, mundu mailako Internet sari garrantzitsuenetarikorako. Maiatzaren 12an emango dituzte sariak Internetez.
Guztira 30 kategoria daude webby sarietan eta kategoria bakoitzeko bost izendatu daude. 30 horien artean daude webgune mota hauek: musika, kirolak, albisteak, zorakeriak, espiritualak, zientzia eta politika.
Estatubatuarrak ez direnak ere bai
Izendatuen artean estatubatuarrak ez diren 29 webgune daude. Horien artean, Al-Jazeeraren webgunea Frantziako www.colette.fr moda webgunea eta Britainia Handiko BBC katearen bost webgune ezberdin.
Epaimahaia
Estatu Batuetako Arte eta Zientzia Digitalen Akademiako 480 bat kidek eta hainbat pertsona famatuk osatutako epaimahai batek aukeratuko dituzte irabazleak. Epaimahaikoen artean daude David Bowie musikaria, Oracle enpresa handiko Larry Ellison eta The Simpson marrazki bizidunetako sortzailea, Matt Groening.
Internet erabiltzaileek ere badute parte hartzeko aukera, publikoaren saria ere badago eta.
Izendatu guztiak ezagutzeko aukera duzue www.webbyawards.com
Indymedia Euskal Herriko albiste honetan irakurri daitekeen modura, San Francisco-ko badian lanean dabiltzan kideak lan fina egiten ari dira :D
http://euskalherria.indymedia.org/eu/2004/04/13963.shtml