E-baltzuak laguntza planaren deialdia irekita

Helburua:

E-baltzuak planaren helburu orokorra enpresa txiki eta ertainei laguntzea da. Horrela, informazio eta komunikazio teknologiak eraginkortasunik handienaz erabili ahal izango dituzte, merkataritza elektronikoa zabaltzeko inguru egokia sustatuz eta informazio eta komunikazio teknologien gaian ezaguerak eskuratzen lagunduz.

E-baltzuak Planaren bitartez laguntzak emango dira bi alor hauetan:

• Negozio elektronikoaren ezarpena.
• Zaintza teknologikoa.

Onuradunak

Dirulaguntzak lortzeko baldintza hauek bete behar dira:

a) Euren elkargo eta zerga-egoitza Bizkaiko Lurralde Historikoan izatea.

b) Lantegi bat, gutxienez, Bizkaiko Lurralde Historikoan kokaturik egotea.

c) Bere plantilan 100 langile baino gehiago ez izatea.

d) Ondoko bi mugotako bat ez gainditzea: 14.000.000 euroko urteko negozio kopurua edo 10.000.000 euroko balantze orokorra.

e) Egun arteko zerga-betebeharrak nahiz herri zuzenbidezko bestelakoak eta Gizarte Segurantzakoak beteta edukitzea.

Ezin dira onuradunak izan herri sozietateak eta herri zuzenbideko erakundeak; halaber, izaera horretatik salbuetsita daude irabazteko asmorik gabeko fundazioak eta elkarteak.

Laguntza-gai diren jarduerak

Negozio elektronikoa:

• Saldu baino lehenagoko zerbitzua: sareko eskaera-sistema.
• Sareko salmenta: eredua, ukituriko prozesuak, stock-en kudeaketa eta sarean kobratzeko sistemak garatzea.
• Sareko erosketak: erosketa elektronikoaren metodoa, ukituriko prozesuak eta sarean ordaintzeko sistemak garatzea.
• Bezeroari jaramon egiteko zerbitzuak: Bezeroari jaramon egiteko sistemaren kudeaketa.
• Saldu osteko zerbitzu elektronikoa: dokumentazio pertsonalizatua deskargatzea, laguntza teknikoa.
• Sareko logistika: garraio-zerbitzua, eskaeren jarraipena eta emate-epeak.
• Segurtasuna: sareko segurtasunerako sistema zehaztu eta ezartzea.
• Intranet/Extranet: enpresako sare pribatuaren zehaztu, aztertu eta garatzea, beti ere TCP/IP protokoloak betez.

Zaintza Teknologikoa:

Diruz laguntzeko modukoak izango dira jarraian adieraziko diren jarduketa horien emaitzako kostuak, baldin eta erakunde kudeatzailea den Centro de Diseño Industrial, S.A. (DZ) enpresarekin lankidetzan egiten badira.

• Zaintza jarduketak. Enpresan, unean-unean, informazio zerbitzu aurreratuak integratzeko gastuak horretarako inguruaren eta merkatuaren ebaluazioa eta teknologiaren azterketa eginez; enpresako erabakiak hartzeko egokiak behar dute izan.
• Enpresako informazio sistemak. Informazio sistema pertsonalizatuak, enpresak bere ekoizpen-jarduera garatzeko dituen beharrizanei egokituta burutzen direnak.
• Diagnostikoa. Informazioa kudeatzeko edo hala enpresaren barruan nola kanpoan behar den informazio estrategikoaren sistemen esparruko beharrizan zehatzak ebaluatzeko, eta profilak egiteko gastuak.
• Ezarpena. Antzeman diren beharrizan guztiak edo horietatik batzuk ezartzeko inbertsioak, hasi fluxuen eta informazioa kudeatzeko sistema propioen ezarpenetik eta zaintza sistema pertsonalizatuetan bukatu arte, hala norberaren informazioaren barrukoak nola inguruko informazioari buruzko kanpokoak, eta, horiek guztiak, informazio eta komunikazioen teknologietan oinarrituta eta softwarea egokituz. Kontzeptu honengatik ematen diren laguntzera iristeko aurretiazko baldintza da aurreko idatz zatian adierazi den diagnostikoa egitea.

Eskabideak aurkezteko epea eta era

Eskabideak, behar bezala beteta, Internet bidez aurkeztu beharko dira, Bizkaiko Foru Aldundiko Berrikuntza eta Ekonomi Sustapen Sailaren www.berrikuntza.bizkaia.net izeneko webgunean dagoen eredua erabiliz, BizkaiBai sistemaren bitartez.

Aurrekoarekin bat, eskabideak Internet bidez aurkezteko enpresa interesatuek BizkaiBai zerbitzuan alta eman behar dute. Zerbitzu honen erregistroa Ogasuna eta Finantzak Saileko bulego nagusietan dago, Bilboko Kaputxinoen Bidea kaleko 2an. Bestela ere, sail honetako edozein bulegotara jo daiteke.

Bestalde, erantsitako dokumentazioa Bizkaiko Foru Aldundiko Berrikuntza eta Ekonomi Sustapen Sailaren erregistroan aurkeztu beharko da (Obispo Orueta kalea, 6), hura irekita egon ohi den orduetan (8:30etik 13:30era). Edozelan ere, erantsitako dokumentazioari eskabidearen sarrera-erregistroko zenbakia gehituko zaio. Zenbaki hau eskabidea Internet bidez tramitatutakoan lortuko da.

Eskabideak aurkezteko epea:

• 2004ko ekainaren 30ean negozio elektronikoaren arloari dagokionez.
• 2004ko irailaren 30ean zaintza teknologikoaren arloari dagokionez.

Harremanetarako:

• Tel: Diru-lagun.: 944 06 80 38 - Bizkaibai: 901 10 06 66.
• Faxa: 944 06 81 21.
• E-posta: burutu@bizkaia.net

Bizkaiko Aldizkari Ofizialean argitaratu da e-baltzuak programaren berri, martxoaren 9an (047 zenbakia).