Bidasoako Film Laburren Lehiaketarako epea zabalik

Bidasoako eskualdean, Beran, Donezteben, Elizondon eta Hendaian eginen da aurten ere VII. Film Laburren Lehiaketa. Azkeneko urteetan Euskal Herriko zein nazioarteko artista ezagunek parte hartu dute jaialdian, eta anitz sendotu da jaialdia bera. Aurtengoa abuztuaren 23tik irailaren 3ra eginen da.

Zortzi sari, guztira

Sari nagusia, urrezko iratzea, 3.000 eurokoa da, eta horrezaz gain bertze zazpi sari ere emanen dira: Zilarrezko iratzea (1.500 euro), eta brontzezko lau iratze (1.000 euro bakoitzak); eta aktorerik onenari, Euskal Herriko laburrik onenari, Giza eta bake baloreak ongien islatzen dituenari, eta natura eta paisaia ongien agertzen dituenari. Bertze bi sari ere emanen dira, horiek diru ordainik gabe: publikoak hautatutakoa eta argazki onenaren saria, Gipuzkoako Argazkilarien Elkarteak emana.

Oinarriak

• Bidasoako film laburren Zinemaldiaren helburua da, irudien bitartez, herrialdeen arteko ezaguera eta harremanak indartzea edo sustatzea.
• Zinemaldia Bertizko Turismo Partzuergoak antolatzen du, kide diren udalen laguntzarekin.
• Zinemaldian, fikziozko film laburrek parte har dezakete, animaziozkoak barne.
• Hautatutako filmak Bera, Doneztebe, Elizondo eta Hendaian emango dira abuztuaren 23tik irailaren 2ra, biak barne. Film irabazleen zatiak irailaren 3an eginen den sari banaketan eskainiko dira.
• Ondorengo helbidera bidali beharko dira lanak, maiatzaren 12a baino lehen:
  • Bidasoako Film Laburren Zinemaldia
  • Bertizko Turismo Partzuergoa
  • Bertizko Turismo Zentroa
  • 31720 Oieregi -Bertizarana (Nafarroa)
  • Tfnoa: 948 59 23 23 / Faxa: 948 59 22 75
  • e-posta: consorciobertiz@cin.es

Oinarri guztiak hemen eskuragarri: