Xabier Silveira garaile Nafarroako Txapelketan
Xabier Silveirak jantzi zuen, atzo, Nafarroako 33. txapela, Lesakan egindako saioan. Zambra aretoa lepo zegoela, giro ezin hobean jokatu zen finala. Estitxu Arozena izan zen bigarrena.
Ikusmin handia zegoen jakiteko nork irabaziko zuen aurtengo txapelketa. Xabier Silveira izan zen onena atzoko saioan, txukun kantatu zuen, eta kartzelakoan jo zuen goia.
Bere lanarekin gustura
Oholtzan ezin izan zuen disimulatu bere poztasuna gustura sentitzen zen Silveira. Behin txapela eskuetan zuela ere, hunkituta kantatu zuen, eta ihesean den Beñat bere lagunari eskaini zion hura.
Estitxu Arozena bigarren
Saioa polita izan zen, eta Estitxu Arozenak ere hagitz ongi egin zuen taula gaineko lana. Seguru aritu zen bertsotan, gozatuz.
Hurrengoak
Bittor Elizagoien izan zen 3. (26. txapelketa zuen), Jon Barberenak debuta 4. tokian bukatuz egin zuen, gustura aritu zen eta entzulearen txaloak bereganatu zituen hasieratik; Juan Mari Lopez izan zen 5.ean, Xabier Legarreta 6.ena; Manolo Arozena 7.ena, eta Joxe Juan Zubieta "Etxabe" zortzigarrena.
Bertso ligan 22 bertsolarik eman zuten izena. Urte hasieratik martxan izan da Bertso Ligarako, eta horietatik 18 sailkatu ziren Txapelketarako. Informazio gehiago Bertsozale.com webgunean.
Erantzunak
idatziz ez baina entzungai:
http://www.bertsozale.com/nafarroa2004/index.htm
helbidean >dokumentuak>finala>audioa.
> Gaur irakurri diat prentsan, hik jakin bakaiala, heu txapeldun izatea nahi ez zuen jendea zegoela Zambran. Ni ez ninduan Zambran egon baina ikaragarri pozten nauk hik irabazi dualako. Bejondeikela!
Ez NAfarroan bakarrik, Durangon ere asko poztu gara zuk irabazteaz. Zoeionak!
> Xabier Silveirak jantzi zuen, atzo, Nafarroako 33. txapela, Lesakan egindako saioan. Zambra aretoa lepo zegoela, giro ezin hobean jokatu zen finala. Estitxu Arozena izan zen bigarrena.
> Xabier Silveirak kartzelakoan botatako bertsoa
> idatziz jasotzea gustatuko litzaidake. Non topa dezaket?
>
> Earra izan huan benetan!
>
Xabier Silveirak kartzelakoan botatako bertsoa
idatziz jasotzea gustatuko litzaidake. Non topa dezaket?
Earra izan huan benetan!