"Aznar 30 segundotan" lehiaketaren saridunak
Jose Maria Aznarren gaineko iragarkiak egiteko lehiaketak baditu irabazleak. 30 segundotako iragarkiak aurkeztu zituzten lehiakideek. Bideoen bitartez, antolatzaileek PPren agintaldiaren gaineko ikuspuntu ezberdinak jaso nahi izan dituzte
Guztira 130 bideo jaso dituzte lehiaketan. Denak ikusgai daude www.aznaren30segundos.org webgunean. Jende ezagunak osatu du epaimahaia.
Gillem Martínez kazetaria, Carlos Prieto diseinugilea eta Carles Gené Mediapro-ko ekoizlea dira ideia horren bultzatzaileak.
Saria, bazkari bat
Antolatzaileen asmoa da irabazten duen iragarkia telebistan ematea, Estatu Batuetako lehiaketan egin zuten moduan. Baina, hori egitea oso zaila ikusten dute. Iragarkia emititzeko ere dirua behar da, eta horretarako dirurik ez dutela aitortu dute antolatzaileek.
Beraz, honako hau izango da saria: Burgosko Cogollos herrian bazkari bat, Azor yatearen (Francisco Francorena izan zen) ondoko jatetxe batean.
Erantzun
Sartu