Aro berri bat hasi da. Bai ote?
Joan den astea berezia izan zen. Madrilen izua zabaltzen zen bitartean, guk ere ikara sentitu genuen, Euskal Herriaren izenean egin ote zen sarraski hura. Egun batzuk geroago, lasaiago gaude, baina ezin seguru egon gertatutakoak aro berririk ekarriko ote digun. Xabier Gantzarainek dio baietz, artikulu polit batean.
Xabier Gantzarain idazle gazteak artikulu polit bat idatzi du gaur Berria egunkarian. Aro berria du izena, eta bertan kontatzen du nola gogoratzen duen bere gaztaroa, eta nolako oroitzapenak dituen garai hartako Euskal Herriaz, gaur arte iraun duena. Eta begitatzen zaio aro hura bukatu berri dela, eta beste bati ekin diogula.
Iruditzen zait Xabierren sentipenak oso zabalduta dabiltzala jende askoren bihotzetan. Horregatik, eta artikulua gustatu zaidalako, aipatu nahi izan dut hemen.
Erantzunak
Bai ote? galdetzen du Joxek.
Nire ustez, ez.
Jose Bono ministro dela, eta hemengo betiko saltsekin, euskal auzian ezer aldatuko den zalantzazkoa iruditzen zait.
Zapaterok inutil samarra dirudi. Hauteskundeak galtzeko ahalegin handiak egiten ari zen, Carod kasua edo bere promesa estupidoak nola manejatu zituen ikustea besterik ez, edo antiterrorismoan PPri egiten zion segizio itsuan. Gizon hori gaur beste gizon bat da?
Pasta Ya-koak laster birziklatuko direla esango nuke. Ez diote utziko presio talde izateari. Ez Mayor Orejaren akolito moduan, baina bai, hor, Rojorekin, Bonorekin, tokatzen denarekin... Rosa Diez jubilatuko da, eta Isabel Celaa ez.
Oker banengo hobe.
Badut esperantza apur bat eskandaluzko kasu batzuk argituko diren, eta kaleratuko ote dituzten Iñaki Uria eta Udalbiltzakoak, adibidez. Baina horretan zantzu onik ez oraingoz: Enrike Letona berriro kartzelara.
Egunkaria itxi zutenean ere Atxagak idatzi zuen garai baten amaiera zela hura, Bazterrean goxo
> Baina horretan zantzu onik ez oraingoz: Enrike Letona berriro kartzelara.
Enrike Letona atzo bertan askatu zuten. Horrela atera zuen Goiena.net agerkariak.
Joder, bai, baina 12000 euroko bermearekin. Hori ezda aske uztea. Hori lapurreta egin eta abisuaeman ondoren aske utzi dutela esatea da. Portzierto, baten batek ba al daki gerora ezertan geratu ez diren auzietan Euskal Herritarrok (ez naiz siglez ari, hiritarroz ari naiz) zenbat diru utzi dugun ... adibidez.... azken 10 urteotan?
Zapaterok ordainduko al dio hori Ibarretxeri transferentzia bidez?
Eta alderdien legea atzera botako al du?
Eta....
Keba. Lehengo aroa da, eta 4 urteren buruan (asko jota) berriro gobernu-aldaketa.
Ni Frantzian negoen aurreko astean. Bertan bi informazio iturri zeuden internazionalak eta TVE internacional, urdaci buru.
Urdaciri ez diodanez inoiz sinesgarritasunik eman, ni lasai nengoen, atzerrikoek berria horrela ematen baitzuten:
a) gertatutakoa
b) espainako gobernuak zioena
c) "ETAren beso politikoak" (sic) zioena, Arnaldoren ahotik.
d) beraien iritzia
Beraien iritzia Arnaldorenaren antza zuen eta ez Acebesana. Bat aipatzearren, oso interesgarria Arte telebistako mahai ingurua.
Beharbada Urdaci, Acebes bertsioak sinesten dutenak lasaitu beharra izan duzue. Irtenbidea: informazio iturriak hobetu edo bestela sinesgarritasuna duenari eman.
> Portzierto, baten batek ba al daki gerora ezertan geratu ez diren auzietan Euskal Herritarrok (ez naiz siglez ari, hiritarroz ari naiz) zenbat diru utzi dugun ... adibidez.... azken 10 urteotan?
Fiantzen kasuan, auziak bukatutakoan dirua itzuli egiten da, denbora anitz joaten bada ere (urtebete gutienez bai). Baina bitartean, euren banketxeetako kontuetan (Santander taldean ditu gobernuak xoxak) milioi ugari dago. Orain hiru urte inguru 7 milioi euro inguru zen fiantzetan (baldintzapeko askatasunean zegoen jendearena) euskal herritarrek auzi politikoengatik utzitako dirutza. Ordutik dirutza hori hazi egin dela erranen nuke, fiantzen kopurua ere izugarri hazi baita, eta azkeneko lau urteotan dirutan egin behar da, lehenago abal eta gisakoen bidez egin baitzitekeen. Orain, ez.
Bertze bat litzateke horrek eragiten duen gastua (abokatuak, prokuradoreak, epaiketa gastuak...). Auzirik sinpleena ere dirutza galanta da!
Ibarretxek ez du zipitzik esan bere hankasartzeaz. Acebesen bidea hartu, eta nabarmenkeria horretaz ez da damutu oraindik. Itxaroten gauzka.
Atzo arratsaldez entzun nion Mikel Irizarri Euskadi Irratian, zintzoen zerrendatik, ez zintzoen zerrendara igaro duela Ibarretxeren izena.
Nik, sekula zintzoen zerrendan eduki ez dudan arren, politikari harroputzenean sartu berri dut. Acebeskeriak politikaren label bihurtuko diren honetan, zerrenda horretan kokatu dut Ibarretxe.
Ibarretxe diodala, Balzaren bertsio ofizialak? Zer diozue horretaz?
Eta mingarria egin zait Indymedia Euskal Herrian irakurritako salaketa hau. Euskadi Irratiako tertulietan ez omen dute Kontxi Sanchizen heriotzaz berbarik egiten, Iruñeako hilotza aipatu dute, hernaniarrik ez ordea. Zer pentsatua eman dit.
Nik idatzi diot Euskadi Irratiari, idatziko al diozu zuk ere?
Sms-ak eta e-posta mezu demokratikoak modan diren honetan, euskara ere jalgi beharko dugu olatu horretarat!