Matxinadak izan du eraginik: PP, out
PPk larrutik ordaindu du manipulazioa, Madrilgo atentatuaz egin duena. Dena kontrolpean omen zuen, harik eta jendea sakelako telefonoak eta Internet erabiltzen hasi zen arte, bat-bateko mobilizazioak eragiteko.
Askotxo izango litzateke esatea sakelako telefonoak eta Internet erabakigarriak izan direla PP Espainiako Gobernutik kentzeko, besteak beste, izan direlako beste hedabide batzuk ere kanporatu dituztenak zalantzak Aznarren gobernuaren jokabideaz, batez ere Madrilgo atentatuaren egiletza nori leporatzeko orduan.
Matxinada, SMS eta Internet bidez
Edozelan ere, sakelako telefonoek eta Internetek egiteko handia izan zuten larunbat iluntzeko matxinadan, batez ere segapotoek. Bezperan argi geratu zen estatu espainiarrean zehar manifestazio erraldoiak egin zirenean, gero eta jende gehiago konturatuta zegoela, eta haserre, Espainiako gobernua ezkutatzen ari zela egia, botoak irabazte aldera.
Eta larunbatean, hasi zen errebolta elektronikoa. 14:00ak inguruan, zenbait gizarte mugimendu Flash Mob bat eratzen hasi ziren, bat-bateko mobilizazio bat, protesta egiteko PPren jokabide maltzurraren kontra. Sakelako telefonoak eta agerkari digitalak jo eta ke lanean hasi ziren, tartean zenbait blog ere, Minid.Net bezala, non ikus daitekeen nolako abiada hartu zuen matxinadak. Zenbaitek, kale agerraldietara joan, argazkiak atera eta sarean jarri zituzten, Julianek bezala.
Barrapunto blogaren iritziz, larunbatekoa izan daiteke SMS bidez (sakelako telefonoen mezuak erabilita) antolatutako lehen manifestazioa. SER irratiko kazetari batek, esate baterako, esan zuen berak hogei bat mezu jaso zituela eskuko telefonoan, lagunek bidalita, joan zedin Genova kalera, PPren egoitzaren aurrera.
Matxinadaren lehen txinpartak Madrilen piztu ziren, baina azkar demonio hedatu ziren estatu espainiarrean barrena: Bartzelona, Valentzia, Santiago de Compostela, Coruña, Sevilla, Palma de Mallorca, Zaragoza Euskal Herrian, berriz, Iruñera baino ez zen iritsi bat-bateko mobilizazioa eta eltze-zalaparta.
Hedatzeaz batera, agerkari digiitalek jasotzen zuten zer gertatzen ari zen, hala nola Caspa.tv izeneko blogak, edo Escolar.net izenekoak, non manifestaziorako deia egiten zen, zapuzteko PPren estatu kolpe informatiboa.
Euskal Herrian, Sustatuk eman zuen matxinadaren berri, baina baita Donosti.org blogak ere, honek gaztelaniaz.
Gorka Limotxo izeneko blogak mobilizazioen bideoak ipini zituen ikusgai. Amorrua zerion Gorkari, eta hori garbi erakusten du Goebbels espainiarra aipatzen duenean
Iñigo Sáenz de Ugarte Telecincoko kazetariak ere egin zuen mobilizazioen jarraipena bere weblogean.
Sakelako telefonoek lehendabizi, eta agerkari digitalek gero, uztarturik gau hartan Espainiako irrati zenbaitek eta telebista banaka batzuek egin zuten lanarekin (Euskal Herrian irratiek eta telebistek futbola izan zuten ardura ia bakar), sutautsa bezala zabaldu ziren matxinada eta honen oihartzuna. Hortik aurrera, PPren zoria porrotari lotu zitzaion.
Lapikoa, bor-bor
Gertatutakoa hobeto ulertzeko, ordea, kontuan hartu behar dira lehendik zetozen zenbait kontu, bat ere kostu politikorik eragin ez ziotenak PPri, baina jende askoren oroimenean iltzatuta geratu zirenak:
- Prestige. Jende asko joan zen, handik eta hemendik, Galiziara hondartzak garbitzera, eta jende hau eta joan ez ziren beste mordo bat harri eta zur geratu zen, ikusirik udal hauteskundeetan PPk ez zuela zigorrik jaso haren kausaz.
- Irakeko gerra. Aznarrek Irakeko gerran sartu zuen Espainia, nahiz eta espainiar gehienak gerraren kontra agertu. Honek ere ez zion zirkinik egin udal hauteskundeetan.
- Euskadi eta Katalunia. Izan dira beste auzi batzuk, espainiarren artean hainbeste eraginik izan ez dutenak, bai ostera Euskal Herrian eta Katalunian. Adibidez, Euskaldunon Egunkaria ixtea, Ibarretxe nola tratatu duten, Batasuna legez kanpo uztea, eta Generalitat berria desegiteko egin dituzten ahaleginak.
Gezurraren buztan luzea
Baina edalontzia gainditu duen tanta Madrilgo atentatuak ekarri du. Jakinda ere islamistek eraginda izan zitekeela, hasiera-hasieratik eratu zuten kanpaina oso bat, esateko ETA izan zela egilea. Argi zegoen bigarren proposamen horrekin PPk irabazteko guztiak zituela. Ez, ordea, lehenengoarekin, hipotesi horrek zuzen-zuzenean ginderamatzan-eta Irakeko gerrara.
Poliki-poliki, baina, gezurra pitzatzen joan zen:
- Ostegun goizean Arnaldo Otegi hasi zen esaten ETA ez zela izan.
- Ostegun eguerdian poliziak furgoneta bat aurkitu zen Alcala de Henaresen, eta han agertu ziren zazpi detonatailu eta Koranaren bertso batzuk.
- Ostegun iluntzean Al Qaedak bere gain hartu zuen atentatua.
- Ostiral arratsaldean, ETAk ukatu egin zuen erantzukizunik sarraskian.
- Larunbat arratsaldean, Polizia Nazionalak bost pertsona atxilotu zituen: hiru marokoar eta bi indiar.
- Larunbat arratsaldean ETAk bigarren mezu bat bidali zuen, eta hor ere ukatu egin zuen zerikusia zuenik atentatuan.
- Launbat arratsaldean Al Qaedak bideo bat helarazi zion Espainiako poliziari, non bigarren aldiz bere gain hartu zuen atentatuaren egiletza.
Denbora honetan guztian, PPren gobernuak helburu bakarra izan zuen: susmo guztiak ETArengan bildu, eta saihestu, kosta ahala kosta, hipotesi islamiarra. Baina matxinadaren hazia ereinda zegoen eta. bistan da, eman du fruiturik.
Erantzunak
Ez nuen uste horren erraza izango zenik inor engainatzea.
Lagun batek zioen kaletik urrun dauden gero eta internauta gehiago dagoela, edo internauta ugari kaletik gero eta urrutiago dagoela, eta albiste horrek esana baieztatzen du.
Zein mobil, zein SMS eta zein kontu zaharra?
Non bizi zara Joxe?
Hori PSOEk eta bere inguruko elkarte batzuek antolatutako kontzentrazioak izan ziren, eta hortxe saiatu ziren adierazten erabat espontaneoa izan zela.
Zenbat mezu jaso zenduan zuk?
Nik batere ez.
Nork egin zuen pankarta "Democracia y libertad" Bilboko plaza moyuan?
Ondo dago mobilizazioak antolatzea, eta larunbatekoak oso ederrak izan ziren PPri aurpegiratzen estatua gerrara eraman izana, baina PSOEk badu ikasgai ETArengadik ikas dezakeena, egia esatearena alegia.
PSOE ez da ausartu esatera eurek antolatutako kontzentrazioak izan zirela arrazoi xume batengatik, hori egitea delitua baita, eta emaitzak emaitza, ez litzatekeelako oso modu ederra izango hauteskundeen osteko ajeak pasatzeko fiskaltzaren kereila bat.
GAL egin zuten, eta horren ostean badakite estatuan merke eta errezagoa dela gezurra esatea egi gordinari aurre egitea baino.
Eta gainera oraingo honetan oso ondo atara zaie, ikusi besterik ez dago zuk ere sinestu egin diezula.
Ezker abertzaleak mobilizazioak deitu zituen M-13an eta 14an, konbokatzailearen nortasuna argi utziz, emaitza ordea, bestelakoa izan zen. Kontxi Sanchiz hila.
Zergatik poliziek ez zuten kargatu Genova kalean eta Hernanin bai?
Eta bien bitartean internauta ugari kaletik urrun egiaren jabe direlakoan.
Gitxi deukot gehitzeko Joxek bikain plazaratutakoari. Autokritika egin behar dabela danek:
* PP-koek zergaitik galdu dabenari buruz.
- PSOE-koek hemetik aurrerako bidea aldatzeko (edukiko dituen bidaideak kontuan izanda).
- CiUk herritarrek bidalitako bigarren mezuagaitik.
- EAJk batzuetan erakutsitako koherentzia eta ausardia faltagaitik.
- EAk eta Aralar-Zutik-ek alkarregaz joanda beti gehiago lortzen dalako (Nafarroaren lezioa).
- Ezker Abertzale ilegalizatuak, hamaikagarren aldiaz, ETAren borroka armatuaren inguruko hausnarketa sakona behin-betikoz egiteko.
- Izquierda Unida, agian, azken urteotan alderdirik koherenteena eta oposiziorik tinkoena izan da Espainiako Kongresuan... baina gehiegi galdu dau. Zergaitik?
...
Baina hauek Espainiako hauteskundeak baino ez dira izan. Errusian be bozketak izan dira eta Putin jaun eta jabe (Txetxenian badakigu zer gertatzen dabilen, musulmandarrak dira han be bai). Estatu Batuetan, aurton be bai edukiko dabe eta ez dakigu Espainiako irakurgaia ikasi egingo daben. Israel-Palestina kontuak bardin darrai...
Esan gura dodana da Al-Qaedaren azken komunikatua (bideoarena) irakurri dodala eta ikaragarria dala. Etorkizuna hain apokaliptikoa izan ez dadin Lehen Munduko herrialdeek serio hartu behar izango ebezala Planetan gertatzen diran "beste" arazotxo horiek: Gosea, HIESa eta bestelako pandemiak, desoreka ekonomikoak, suntsipen ekologikoak, NBEk zer papera eduki behar dauan...
Hamen EHn, Espainian edo Mundu mailan alkarrizketa da bide hoberena gauzak konpontzeko. Bonbek behintzat ez dabe ezer lortuko, hori argi deukot.
- D. Arturori komentau nahi deutsat geuk bai jaso genduala segapotoan Moyuara (PPren sedera) joateko lagun batek bidalitako mezua. Eta ez da PSOErena.
Interneten kontu honek izan dituen eraginen artean, aipatzekoa Vilaweb atari katalanarena.
Egunkariaren auziarekin asko mugitu zen medio hau iaz. Aurten, Carod-Roviraren kontuarekin ere bai.
Baina bere errekorretara iritsi da atentatuaren ondoren, gezurren krisiaren eta hauteskundeen jarraipenarekin.
Eta gunearen jardunaz gain, horra nobedadea: Vilaweb paperean! Paperezko bi edizio atera dituzte. Bata, 12an, joan den ostiralean, bestea gaur eguerdian, hilak 16.
Eta adi, paperean diote eurek, baina paperezko edizioa ateratzeko modu bitxia: PDF bi dira paperezko edizio horiek. Interneten jarri, eta hala, norberak inprimatzekoa. Ideia ona!
Hor duzu: http://www.vilaweb.com/vwpdf/
Gaurko paperezko ale horretan, datu, analisi eta grafiko kuriosoa dakar Vilawebek, orain ikusi dudanez: Espainian PPk irabazi du.
Euskal Herriko, Herri Katalanetako, Galiziako eta Kanarietako emaitzak alde batera utzita egin duten kalkulu horretan, PPk 100 diputatu, PSOEk 94, IUk 2 eta CHAk 1 (Labordeta). Horixe emaitza.
Portzierto, goikoa irakurri eta gaurko PDF-a jaitsi baduzu, adi, ze 16.00ak baino lehen zuzendu gabeko bertsioa omen zeukaten. Orain bertsio ona dago online.
Asteartetik asteazkenera arteko gau honetan, Madrilen beste SMS mezu uholde bat izan ei da.
Gaur arratsalde-eguerdiko 14.00etan konbokatu omen da flashmob berria PPren egoitzen aurrean, Aznarri bere jestioa eskertzeko.
Rebelion.org-ek kontatzen du hemen
Larunbatean zerbait gertatzen ari zela nahiko argi dago. PP-koak konturatu ziren, bai, baina dagoeneko jokoz kanpo zeuden.
Adibide polita: Edurne Uriarte eta enparauen Fundacion para la Libertad delakoak komunikatu bat atera zuen larunbat gauean. Beren webgunean aurkitu dut, eta larunbateko 22.18ko orduarekin dago datatua.
Fundazioko horiek atera zuten bideoa, esbastika eta ikurriña nahastuz. Hementxe dago
Ba, hara, begira orain zer dioten:
Komunikatu osoa irakurtzeko modukoa da. Hemen dago. Badaezpada osorik ere kopiatuko dut hona:
Comunicado de la Fundación para la Libertad
Emitido a las 22:18 ante las manifestaciones ilegales que se estaban produciendo en diversos puntos de España tras hacerse pública la responsabilidad de Al Qaeda en el ataque terrorista sobre Madrid
Vivimos la inusitada situación de ver perturbada nuestra reflexión por un brutal acto terrorista que, a su vez, ha generado manifestaciones contra uno de los partidos precisamente en este día, recordándonos escenas de odio y enfrentamiento que creíamos superadas. Acabaremos otorgando toda la razón al terrorismo, su eficacia en las conciencias de las personas, si no sabemos discernir que el culpable del terror son los propios terroristas.Los actos de acoso a las sedes del PP no sólo ponen en riesgo la legalidad de estas elecciones, abocándonos a una situación de fatal memoria para los españoles, sino que acabarían dando la razón a los que asumen el terrorismo para transformar radicalmente la realidad. Exigimos a todos los partidos democráticos que pongan fin a estos comportamientos.
Fundación para la Libertad, 13 de Marzo de 2004 22:18