Teknologia albisteak

Aznarrek Monkloan egin du agerraldia, datuak eta hitzak jaso ditugu

Sustatu - Sustatu

2004-03-12 : 12:03

Datu asko eman ditu eta eguneratu ditu han eta hemen dantzan zebiltzan datuak. Bestetik, nabarmendu du egiletza zein den esateko ikerketa zabalik dagoela oraindik. Kazetarien galderak ere horren gainekoak izan dira. Gaineratu du ilegalizatutako taldeen bozeramailetzari ez diola kasurik egingo. Aznarrek amaieran galdera pare bat erantzun ditu eta galdera batzuri momentua ez dela esanez ez du hitzik ere esan. Galderen erantzunak jaso ditugu albiste honen erantzunetan. Tele 5 katean entzun ditugu adierazpenok.

Datuak 11:44 direnean

198 dira hildakoak.
117 identifikatua daude.
113 familiek eraman dituzte azken agurra emateko.
1473 zauritu.
576 alta emanda ospitaleetan.
408 pertsona ospitalean,.
38 oso larri.
21 larri.
Gainontzekoak unitate berezietan izan ziren artatuak.
11 herrialdetako jendea: Txilekoa, Kubakoa, Peruanoa, Gineakoak, Hondurasekoak, Polakoak, Frantsesak, Marrokia eta Kolonbianoa.

Erantzunak

Sustatu

2004-03-12 : 13:01

Galderen tartean hau esan du:

Informazioa ezkutatu dutela-eta: "Atentatua gertatu den momentutik eduki duen informazio guztia eman du Gobernuak. Informazioa ezkutatzen dugula esaten duenak barkamena eskatu beharko luke."

Bi hipotesi daudela-eta: "Gobernuak uste du ETA izan dela: 30 urteko terrorismoaren ondoren, logikoki pentsatu daiteke ETA izan dela, espainiar askok pentsatu duten moduan. Beste hipotesi bat baldin badago, noski, hori ere jarraitu egingo dugu. Eta hipotesi guztien berri emango diegu espainiarrei."

Zein da hipotesi argiena?: 2Atentatu izugarria izan da eta ez eskatu kinieletan jokatzea. Gobernuak ez du hipotesien gainean jokoan egingo, informazioa emango du. Bi hipotesi horien gainean lan egingo dugu amaiera arte."

Nola ikusten duen hauteskunde giroa: "Ez daukat ezer esateko, normalitate batean egin behar dira hauteskundeak. Terroristek ezin dute erabaki espainiarren botua."

Informazio batzuen arabera arabiarrak izan dira: "Inbestigazioan ari gara. Hiltzaileak hauek dira esatea gustatuko litzaidake ezer baino lehenago. Esateko aukera dugunean esango dugu."

Gobernuak erabili duen kanpo politikaren gainean, Irakeko gerraren gainean: "Orain ez da momentua horri erantzuteko."

Goiena

2004-03-12 : 13:03

Goienako langileok, sindikatuek deitutako grebarekin bat egin eta kalera aterako gara 15 minutuan.

prudencio MANSO

2004-03-12 : 14:22

AZNAR hitz egin zuen atzo Ibarretxek, AZNARregi.

Ez zen AZKAR ibili AZNARate anderea AZNARren jokoan erori zirela jabetzen, gaur oraindik ETA izan ote den zalantza omen dauka...

AZKAR, baina berandu, AZKARraga. AZNAR zikin jokatzen ari omen da.

Esan diezaiola AZKAR Imazi, konstituzioaren aldeko manifestaziora joan aurretik.

Baina AZKARra, benetan, Jose Maria: AZNAR.

Miserablea zein?