Madrilgo biharamuna: Gauza garbirik ez, bi hipotesi
Iritzia banatuta dago:
- Al Qaeda: Kazeta arabiar batek jaso du Al Qaeda erakundearen gutun bat. Gutunean bere gain hartzen omen du atentatua erakunde honek. ETAren komunikaturik ez dugu jaso.
- ETA: Zaplanak dio esku artean dituzten datuek adierazten dutela ETA izan dela. NBEk ere ez du zalantzarik, antza.
Ez dago argi nork jarri zituen lehergailuak
- Al Qaeda: Indarra hartu du arabiar taldea izan ote den informazioak. Espainiak Iraken parte hartu zuen aliantzaren zutabe batera iritsi dela dio Londresen aurkitutako gutunak. Acebesek dio ikerketa bide hau zabalik dutela, furgoneta bat aurkitu dugu Alcala de Henaresen: bideo zinta bat arabez ziharduena eta 7 detonadore. Bush-ek ere susmoa du. CIA-ko ikerlariak bidali dituzte dagoeneko.
- ETA: Espainiako Gobernuko ministro bozeramaileak, Zaplanak dio: aurrekari guztiek eta datuek adierazten omen dute ETA izan dela: Eskualdearen mapa, atzo dinamita erabiltzea... talde musulmandarren zurrumurrua ukatu egin du poliziak, zenbaitek sortu gura izan duten nahasmen giroan dute funtsa, bakarrik. ETAk egin du ekintza.
Ez Aznarrek, ez Acebesek, ez dute ETA hitza aipatu ere egiten beraien lehenengo informazioan. Acebesek ETA aipatu du kazetarien galderak entzun eta gero. Esanez, "nolakoa den ETA, denok dakigu".
NBEn bilera egin dute eta ETAri egotzi diote atentatua. Errusiak izan ezik, beste denek ez dute zalantzarik izan.
Gaitzespen ekintzak gaurko
- Alderdi politikoen kanpainak bertan behera geratu dira.
- Estatuko hiriburu guztietan manifestazioak, Espainiako Gobernuak deituta: Biktimen alde, Konstituzioaren alde, Terrorismoa garaitzearen alde izango da leloa.
- Ordu laurdeneko kale agerraldiak, sindikatuek deituta, eguerdiko 12:00etan.
- Abertzaleen Batasunak ere deia egin du manifestatzeko, Baionan arratsaldeko 18:30ean.
Erantzunak
Nondik hasi ere ez dakit. Atzo ordu honetan burua dantzan neukan, egun osoan izan nuen bezala. Nola liteke gerra herritar xumeengana zabaltzea? ezin onartua da, ez hemen ez inon. Gerra egin nahi dutenek haien artean egin dezatela.
Eta politikari vasco-españoletaz zer? Eusko Jaurlaritzak eta EAJk,Ibarretxek eta Imazek, Aralarrek eta Zutikek, Anchon Carrerak, ez dute erakutsi inolako egonarririk, inolako analisi gaitasunik. Ume mokoek egin zitzaketen analisi berberak egin dituzte bi inpresentable hauek. Entzutekoa zen Miren Azkarate gaur goizean...ez zen gain hitz erdi bat zuzen esateko: besteak izan dira...ez da gure errua izan...Hauei soldata ordaindu gure diruekin? EZ NIRE IZENEAN!
Otegiri, Batasunari, LABi, ezker abertzaleari, zorionak!
Ez diot emango zorionik inongo politikariri, jardun jarduten dute baina gauzak konpondu gutxi.
Ezin diet eman zorionik, sarraskia salatzeko atzo egindako konzentrazioetara agertu ez zirenei.
Otegi entzun nuen atzo telebistaz ETAk komunikatu bat kaleratuko zuenaren berri zuela esanez. Madrilgoaren erantzule izan edo ez, non demontre dago gure salbatzaileen komunikatua.
Zorionak ez. Nire mespretxurik handiena azaltzen diet, atzoko sarraskia deitoratu eta ETAk gizarte zibilaren aurka egindakoak, herriaren askatasunerako beharrezko bezala ikusten dituztenei.
ETAk egin ez badu ere, hori egiteko azpiegitura du ETAk. Otegik esana da, atzo. Horrelakoak egiteko azpiegitura duena heldu daiteke hori egitera.
>
> ETAk egin ez badu ere, hori egiteko azpiegitura du ETAk. Otegik esana da, atzo. Horrelakoak egiteko azpiegitura duena heldu daiteke hori egitera.
>
>
*************
Nik motoserra bat dut eta Brasileraino joateko dirua ere bai.
Korolarioa: Amazonasen inguruko oihan guztia deskojonatu dezaket.
Horrela da?
Denok entzun genuen: Batasunak gaitzetsi egin du atentatua. Beraz, automatikoki "berlegeztatu" egin da?
A, ez, Aznarrek esan berri du ez diela erantzungo alderdi ilegal bateko ordezkariaren hitzei...
Beti bezaindemokratikoa, gerra inperialista batera eramaten gaituen eta gertatu den guztian bere erantzukizuna aitortu gura ez ez duen Espainia hau.
Objetibitatea ez da existitzen, baina kontzientzia kritiko apur bat ez litzaiguke gaizki etorriko.
Zergatik ematen diozue horrenbesteko sinesgarritasunik espainiar polizi eta lumadunei?
Zergatik datu objetiboen aurka, sinesgarritasunik ematen diozue urteetan euskaldunon gainean gezurrak, gezurrak, gezurrak! pilatu dituzten horiei?
Nahikoa da, ETA "beldurrik eta konplejurik" gabe kritikatzen duzue. Ondo da. Baina kontuz, norberaren jarrera poterearekin bat datorrenean, erreza eta erosoa izaten da beraien ohe mediatikoaren gainean lo goxoan gelditzea. Lasaiago egoten da on eta zintzoen artean deabru gorrien artean baino, ezta?
Atxilotuek bere burua torturatzen dutela esanez bukatu behar al duzue?