Al Qaedak bere gain hartu omen du Madrilgo atentatua
Reuters agentziak zabaldu berri du nola Londresko kazeta arabiar batek jaso duen Al Qaeda erakundearen gutun bat, non erakunde honek bere gain hartu duen gaur goizean Madrilen egindako atentatua.
Iluntzeko 21:20an SER Irratiak esan du Reuters agentziak aipatu duela nola Londresko kazeta arabiar batek jaso duen Al Qaeda erakundearen gutun bat, eta gutun horretan erakundeak bere gain hartu duen gaur goizean Madrilen egindako atentatua.
Reuters agentziak dioenez, Londresko kazetak jaso du gutun bat, Al Qaedak sinatuta, eta hor deitzen dio gaur goizeko atentatuari Heriotza Trenen Operazioa. Gutunak omen dio Lortu dugu infiltratzea Europako gurutzatuaren bihotza, eta eraso egin diogu gurutzatuen aliantzaren basetariko bati.
Gutuna faxez iritsi bide da Reutersek Dubain duen bulegora, Londresko Al-Quds al-Arabi kazetak bidalita. Reuters agentziak, baina, ezin izan du gutuna egiaztatu. Hau Abu Hafs al-Masri Brigadak sinatuta omen zetorren. Brigada hauek beren gain hartu zituzten, Al Qaedaren izenean, iragan azaroan Turkiako bi sinagogatan egin zituzten bi leherketa, eta abuztuan Bagdaden Nazio Batuen egoitza nagusiaren bonbardaketa.
Espainiako Barne Ministeritzak, bestalde, esan du aurkitu dutela furgoneta bat, eta honen barruan detonagailuak zeudela eta hainbat zinta, non grabaturik omen zeuden Koraneko bertsoak.
Azken zenbaketaren arabera, bestalde, 192 pertsona hil dira gaur goizeko atentatuan, eta 1.427tik gora zauritu.
Erantzunak
MUndua zoratu egin da, bai. Eta politikariak txoratu. EUskaldunak batez ere. Eta internautak, eta sustatuzaleak... Hain izan da aldibereko zorotasuna guztiek aurkitu dutela erruduna goizean goizetik eta "putakumeka" (Sustatun) eta ·"nazkagarrika", behinolako Victoria Pregoren "a por ellos" ospetsuarekin bat eginez hasi dira.
Hildakoak dira orain garrantzitsuak. BAi, noski! Arratsaldean ere baziren.
Min handia eman didan zerbaitetaz ohartu naiz gaur. Euskaldun askok gurago zuen ETA izan izan balitz ekintzaren egilea. Gogorra da esatea baina hala da.
Politikariek berriz, ez dute barkamenik eskatu beharko, horiek hiritar arrunton ardurak dira. Ia-ia "nazka" eman dit gaur Ibarretxek. BAina azkenan, pena eman dit. Babua!
Oso bitxia da, baina oraintsu ekintza bere gain hartu duen Abu Hafz al-Masri brigadak taldea bilatzen hauxe topatu dut sarean. Duela lau hilabeteko agiria da eta bertan taldeak "The cars of death will not stop" zioen, mehatxua amerikarren lagunei bereziki zuzenduz.
Hain zuzen ere, bere gain hartzean horrelako kontzeptua azaldu da agirian eta, egia esan, "heriotzaren trenak" ere entzun izan dut gaur goizekoa deskribatzeko. Iragarpena ote?
Lotsagarria da ikustea noraino sartu diguten ziria potere espainolek beraien tesiak. ETAren aurka dena bailo du hori barneratua dute hainbat eta hainbat euskaldun, baita euskaltzale eta abertzaleen artean ere.
ETA erakundeak behin baino gehiagotan esan du, orain dela gutxi azkenengoz, ez duela populazio zibilaren aurkako ekintzarik egiten, eta besteren kontra egitean beharrezkoak diren neurriak hartuko dituela horrelako kalterik ez sortzeko.
Eta horrela egiten du. Madrilen burututako ekintza asko abisurik gabe izan balira, errez bihurtuko ziren gaur bezalako sarraskietan.
Esanguratsua da Espaina ez beste herrialdetako kazetari eta politikari askok egilea ETA izan zelako tesiaren aurrean harridura azaltzen zuten bitartean hemengo kazetari, politikari, eta ezker abertzale berriko internauta pakezaleek, beren zelofanezko moralarekin berriro ere infernura botatzen ETA erakundea.
Esanguratsua oso ikustea norainoko sinesgarritasuna ematen diote espainiar polizi eta lumadun militantei. Bejondeizuela, menpekoen mentalitatea duzue. Politika arrunta, erreala PPkoek diotenez, egin nahi duzue eta horretarako zintzo-zintzo aritzeko irrikitan zaudete. Zorionak, oso ondo ari zarete.
>
> Min handia eman didan zerbaitetaz ohartu naiz gaur. Euskaldun askok gurago zuen ETA izan izan balitz ekintzaren egilea. Gogorra da esatea baina hala da.
>
Ea ulertzen dudan.
- ETAren aurka gaudenok nahi genuen ETAk 200 lagun hiltzea?
- ETAren borroka armatuaren alde zaudetenok ez zenuten nahi ETAk inor hiltzea?
Badakizu zer demontre den "meme" bat? Ba, zorionak, hona hemen zurea:
Leloak errepikatuko badituzu, modu zuzenean egin ezazu, behintzat.
Victoria Prego-k "A por ellos" esan zuen bakarrik? Agian belarriak garbitu beharko zenituzke. Edo beste komunikabideak ikusi.
Miguel Angel Blancoren hilketaron ostean, Madrileko manifestazioaren amaieran Victoria Pregok hauxe esan zuen:
"A por ellos con la voz y la palabra"
Hau da, "hitza eta ahotsa", ez "tiroa eta bonba". Aditzen? Ulergarria zuretzat? Inoiz honelako lelorik erabiliko duzue zuek, gure salbatzaile maiteak?
Mundua txoratu egin da gaur. Segur aski hobe nuke gure (edo nire) mundu txiki hau txoratu egin dela esatea. Baina egun osoa ordenagailu eta irrati ondoan eman ondorengauzak lehen baino nahasiagoak dira niretzat.
Badirudi azkenean ETA ez duela egin, badirudi AlQaeda izan dela. Nolanahi ere hildakoei hori ez zaie asko inportako. ondorioak berberak izango dira sofritu dutenentzat. Hala ere politika munduan makroatentatu honek gauzatutako ondorioak desberdinak izango direla islamiarrak izan badira.
Dena den burutazio bat datorkit: antza denez atentatu hau Espainia Irakeko gerran sartzearen ondorioa izango litzateke eta negargarria da. irakeko inbasioarekin hildako gehienak herritarrak izan ziren; batere botererik ez zeukan jendea. Gaurko sarraskian hildakoak berriro langileak, etorkinak, ikasleak, herri xehea hitz bitan esanda. Berdin dio Espainiak Iraken jo edo terrorismo islamiarra Madrilen jo; betikoak beti galtzaile.
Eta txarrena, nik uste, arriskua ez dela gaurkoarekin bukatzen; aitzitik, ohitu egin beharko dugu terrorista islamiarren jomugan egotera.