Madrilen bonba. Hildakoak 62, gutxienez. Iluna da informazioa
Hildakoen zifra Barne ministeritzaren arabera (09:56):
- 29 Atotxan
- 18 Pozon
- 15 Santa Eugenian
SER kateak dioenez: 85 dira hildakoak
*Zifra hauek guztiz konfirmatu barik daude.
(09:45): Lehendakariak egin du berba eta jaso dugu esandakoa albiste honetan bertan.
(10:14): Renfeko arduradunak dioenez ez dute abisurik jaso. Informazio gehiago albistean bertan
Lehendakariak berba egin du (09:41)
Lanera zihoan jendea izan da. Fisikoki egin dute eztanda. Barbaroa izan da. Lehendakari moduan, lehenengo eta behin familiendako da gure besarkada. ETAk atentatua egiten duen bakoitzean milaka bihotz apurtzen dira, Euskal Herriko milaka bihotz. Mesedez, ez dezatela inoiz gehiago berba egin Euskaldunen terrorismoaz. Terrorismoa ETArena da ez euskaldunena. Asesinoak dira, ez besterik.
ETA bere amaiera idazten ari da eta konbentzituta nago. Ezin da ezer defendatu tiroak ematen eta bonbak jartzen. Ezin da ez ideiarik ez aberririk defendatu horrela. Zarraskiak nazka ematen digu euskaldun guztioi.
Espainiako gizarteari ere esan gura diot amaiera markatzen ari dela ETA. ETAk demokrazia dinamitatu gura izan du eta jendeak adierazpen askatasuna urratu du. Eskatzen diet alderdiei ez erabiltzeko sarraski hau partiduen aldeko. Ez diezagiogun eman ETAri ETAk gura duena. Alderdiok jakingo dugu erantzuten, zentzuz erantzuten. Gizarteak ere erantzungo du modu barean.
Kontzentrazioa arratsaldean Udalen aurrean
Euskal Herriko jende guztiari dei egiten die Lehendakariak. Lema barik, pankarta barik. ETAren aurka. Arratsaldeko 08:00etan izango dira kale bilkura hauek.
Biktimei elkartasuna
Madrileko jendeari eta biktimei helarazi gura diet, elkartasuna adierazi gura diet. Esan gura diet Euskal Herria zibilizatua dela, elkarrizketaren zalea, bizia errespetatuz... Elkartasun sentitua eman gura diet biktimei eta Madrileko gizarteari.
(08:45) El Mundoko kazetari bati entzun diogu. Etxetik dihardu kontakizuna egiten. Gutxienez lau hildako ikusten omen ditu. Hamarkada hildako omen daude, hala ere, jendeak esan dionez. Hiru trenetan egin du eztanda Atotxan. Konfusio handia dago eta beldurra eztanda gehiagorena. SER-ek dioenez gutxienez 30-40 hildako egon daitezke bi tokitan. Guk informazioa emango dugu uneorokoa goiz honetan. Gogoratu informazioa etorri ahalakoa dela.
Lau eztanda
Guztira lau eztanda izan dira trenetan. Tren guztiak Henares lineakoa ziren, eta guztien helmunga Madril zen. Renfe-ko arduradunaren esanetan, 07:40 - 07:45 artean izan dira eztanda guztiak:
- Atotxan bi eztanda izan dira. Estaziora heltzen zebilen tren batean izan da eztanda bat, eta bestea, estazio barruko bigarren trenbidean zegoen tren batean.
- Santa Eugenian, tren bateko bagoian eztanda bat izan da.
- El Pozo del tío Raimundo, apeaderoan: eztanda bat.
- Bosgarren eztanda, kontrolatua da. Poliziak auto bat lehertarazi du.
Aoiz-eko polikiroldegian jarri dute emergentziako ospitale bat. Zauritu asko daude.
Polizia munizipalak hiru trenbideetan 30-40 hildako daudela esan du (09:10) DAtuak ilunak dira oraindik eta nahasiak.
Aldiriko trenetan izan dira eztandak, bide laburrak egiten dituzten trenetan.
Atotxa inguruan dauden etxeetara joaten ari dira suhiltzaileak. Suhiltzaile horiek gomendatzen ari dira pertsinak jeisteko, izan ere beste bonba baten posibilitateaz ari dira berbetan.
Manuel Sempere, RENFEko arduraduna
Lau trenetan izan dira eztandak. Denak dira aldiriko trenak. Denak ziren Madrilera zihoazen trenak. Familiarrei laguntzeko 2 telefono jarri ditu RENFEK. Dei asko eta asko izaten ari dira. RENFEko arduradunak esan duenez ez dauka abisurik izan denaren berririk.
Tren batzuk martxan hasi dira. Madrilen. Atotxatik pasatzen direnak eta Atotxara heltzen direnak denak daude geldi. Ahaleginak egiten dihardute hori dena lehenbailehen jartzeko.
Familiakoek telefono honetara deitu dezakete. 900 200 222 eta 902 200 215
Erantzunak
Langile boliviarra naiz. Gaur goizean goizik jaiki naiz lanera joateko, eraikin bateko hondakinak batzen, goizeko zortzietatik arratsaldeko bostak arte. Diru pixar batzuk baino ez dizkidate pagatzen; hala ere, nahikoa etxera bolivar batzuk bidaltzeko, han utziak ditudan seme-alabak apur bat hobeto bizi daitezen.
Gaur goizean, Pozo del Tío Raimundo-ko geltokian hartu dut trena, beste herkide batzuekin batera. Etxetik atera naizenean lagun kubatar batek hartu du nire ohatzea. Ohatze beroak esaten dizkiete gure etzalekuei.
Orain Madril hiru mila metrotik ikusten dut, etxera hegan joaten naizenetan bezala. Gorputza ez dut pisu. Ematen du hirurogei kilo argaldu naizela, eta ez naizela ezer, 21 gramo baino.
Gorantz jarraitzen du. Bizkaiko itsasoa ere begiztatzen dut hemendik, eta orain ilargia, Jupiter eta Urano. Hurbil dago Alfa Centauro. Hilda nago. Emazteari "alargun" esango diote, eta seme-alabei "aita gabeak".
Bitartean, hiru euskal gazte arrapaladan doaz Gaztelerriko ordokietako bazterreko bideetatik ihesi. Ihesi nora? Nork egingo die abegi etxean.
Zauritu asko daude eta Polizia Nazionala taxiak erabiltzen hasi da zauritu horiek ospitaletara eramateko. Kaleak zauritutako jendea asko dago. Auto gidari partikular ugarik ere zaurituak eramaten ari dira ospitaletara.
SAMUR-ak ospitale mugikorrak ezarri ditu kalean, Santa Egunian esaterako.
Madrileko ospitaleak odol emaileei deia egin die.
Oso atentatu arraroa izan da, ETAk horrelako metodorik erabiltzen ez duelako, baina egia esanda, ez zait beste inor bururatzen... etekin handiena aterako duena PP izango da, gehiengo absolutua lortuko duelako, baina ez zait buruan sartzen pentsatzea CESIDek edo Estatuko beste aparaturen batek horrelako aldresbekeria prestatzea gehiengoa lortzeko... beraz, ETA da geratzen zaidan aukera bakarra.
Eusko Legebiltzarrerako azken hauteskundeetan PPk laguntza berezia behar zuen Mayor Oreja lehendakari egiteko, eta ETAk atentatu bat oparitu zion, Madrilen, hausnarketa egunean.
Orain PPk beste bultzada bat behar zuen erabateko gehiengoa ziurtatzeko Espainian eta, hiru egun falta direnean bozketa egunerako, ETAk (nork bestela?) eskura jarri dio gehiengo hori, gaurko sarraskiaren ondoren.
Argi dago nork egiten duen lan norentzat.
Rodrigo Rato (Gobernuko Presidente ordea)
Denon kontra egin dute sarraski hau. Egun tristea da gaur. Gobernuaren izenean elkartasuna adierazi gura diet sufritzen dauden guztiei.
Bigarrenez, esan behar da denon kontrakoa dela erasoa, atake kriminala, demokraziaren aurkakoa. Justiziak bakarrik, eta bakarrik justiziak libra gaitzake terrorismotik. Gobernutik erantzun horixe emango dugu.
Bagenekien ETA agertu egin behar zela kanpaina honetan, eta agertu da, nola ez.
Euskal Herria askatu beharrean, Euskal Herria NAZKATU egin du azpaldi.
Hori da bai, Euskal Herria askatzeko era ederra: lanera dijoan pertsonen kontra horrelako ekintzak egiten, gurekin zer ikusirik ez duen jendea hiltzen. Bai, oso demokratak omen dira ETAko sasikume hauek.
Nork irabaziko du horrelako ekintzekin ? Argi dago hil diren pertsona hoiek galdu egin dutela, baina nork irabazten du ?
Politikoki nik badakit nork irabazi duen behintzat, badakit nork izango duen gehiengoa datozen 4 urteetan. Ez dezatela esan Euskal Herriaren alde egin dutenik, hori ez dugu onartuko eta !!!
Beste mila gauza ditut esateko, baina une hauetan ez dakit nola atera nire barnean dauzkadan sentimenduak, ..., gorrotoa, gorrotoa sortzen zait nire barnean gure izena erabiliz horrelako zorakeriak egiten dutela ikusita.
Nork egin duen oraindik jakin gabe (eta zertarako demontre egin ote duen?) argi ez dagoenean, nire galderak bi hauek dira:
* Noren alde edo zeren aldekoa da ekintza hau? Ez diot erantzunik aurkitzen: norbaitek izango balu ...
* Noren kontra? Honi arin aurkitzen diot erantzun bat: DENON KONTRA! Amankomunean dugun pertsonaren izaeraren kontra: bizitzaren kontra, zentzuaren kontra, hiritarren kontra.
Euskaldunak munduaren hiritarrak bagara (eta izan nahi badugu) komuneko zentzua aldarrikatu behar dugula uste dut.
Eta gaurkoak ez du ez bururik, ez ankarik: esku beltz bat besterik ez! Euskal hiritar bat
> Hildakoen zifra Barne ministeritzaren arabera (09:56) ... Espainiako gizarteari ere esan gura ... ETAk demokrazia dinamitatu gura izan du
Denak bat etorri dira 'airean' zegoen ideiari heltzea: ETA, eta ez beste, izan da autorea. Hortik aurrera, libre.
Ez dago motiborik, antza, Iraken okupazioa eta gerrerkin zerikusirik duen talderen bat izan litekeela pentsatzeko, keba...
Ikus: http://www.belt.es/noticias/2004/enero/19/europol.htm
Detailetxo batzuk:
- ez da abisurik izan aurretik (ETAk horrelakoetan abisatu izan du beti)
- Madrilen eta hiru toki desberdinetan izan dira. Ez da nolanahiko azpiegitura behar horretarakoa, eta, ofizialki behintzat, ETAk ez omen du halakorik.
Ondorio elektoralak, ETA izan dela pentsatzea nagusitzen bada:
Espainian, PPk gora
Euskal Herrian, espainolistak gora
Irakiarrak izan direla pentsatzea nagusitzen bada:
Espainian, PPk behera
Euskal Herrian, ?
Ez diot ohiko diren atentatuen kutsurik harrapatzen.
Ez dakit sinesgarria den... ea ETAk azkar, lehenbailehen, zer edo zer adierazten duen, hau ez da posible...
http://www.berria.info/edizioa_ikusi.php?id=3682
ETBrena lotsagarria da! Irailaren 21ean bezala, NYeko dorre bikien aurkako atentatuan gaztelerazko telebista kate guztiak (ETB2 barne) beren ohiko programazioa eten eta sarraskiari begira jarri ziren. ETB1en MrBean edo dena delakoa ematen jarraitu zuten lasai lasai.
Gaurkoan berdin! ETB2 Madrileko azken berriak eskainiz eta ETB1en orain astebete aurreikusitako programazioa. Ez dago eskubiderik? Euskaldunok ez al dugu informazioa euskaraz jasotzeko eskubiderik? Zer zentzu du 4 telebista kate gazteleraz ari direnean informazio hori eskaintzen, ETB2 ere horretara jartzea eta zerbitzu hori eskaini dezakeen euskarazko telebista bakarrak pitokerietan jarraitzea?
Beno, PPk irabaziko du berriro etaren ekintza horien ezker, eta katalanak eta euskaldunak , gure hizkuntzak, herriak eta kulturak eraso egingo dute lehen baino geihago.
hori ez da albesti ona.
barkatu nire euskera txarra
>
> Bueno, Catalunyan ez da izan, eta hori albiste ona omen da.
Tira, ez al zituzten orain dela gutxi bi euskal herritar atzeman lehergailuz beteriko furgoia zeramatela Madrilera bidean? ez al zituzten pasa den gabon gauan donostiar bat eta hernaniar bat atzeman trenbidean eta bagoi batean lehergailuak jarri berriak zituztela? Zer gehiago behar da errealitatea onartzeko?
Honek gogorarazten dit Hipercorrekoa, orduan ere batzuek ere ez zuten onartu nahi halakorik hasiera batean, gero erakundeak irmo jarri zituen eta soilik Montero urrundu zen bide horretatik.
Geroztik gauzak okertu besterik ez dira egin, jende gehiago hil, herriaren ordezkariak barne ("ez, ez, hori polimiliek egiten dute bakarrik!" gogoratzen?). Eta guztiz gizatxartuta hezi diren belaunaldi berriak sortu zaizkigu, edo ditugu..
Noiz hasiko dira esquer aberchalearen aldetik zirkulatzen lehenengo txiste makabroak honen kontura, Irene Villarekin edo 11-Srekin gertatu zen bezala?
> Ez dakit sinesgarria den... ea ETAk azkar, lehenbailehen, zer edo zer adierazten duen, hau ez da posible...
>
> http://www.berria.info/edizioa_ikusi.php?id=3682
Termometro ona izan ohi da burtsa. Hara:
Todas las Bolsas europeas se desploman tras los atentados perpetrados en Madrid
ELMUNDODINERO | AGENCIAS [14:38etan eguneratua]
La masacre que se ha vivido en la capital española esta mañana ha provocado un fortísimo descenso de todos los índices europeos.
Los rumores que se están alimentando sobre la posibilidad de que haya sido Al Qaeda la autora de las explosiones aumenta el nerviosismo en los mercados, ya que aunque el Gobierno atribuye la acción a ETA, el atentado aún no ha sido reivindicado.
Iturria: http://elmundodinero.elmundo.es/mundodinero/2004/03/11/Noti20040311101100.html
Termometro ona izan ohi da burtsa. Hara:
Todas las Bolsas europeas se desploman tras los atentados perpetrados en Madrid
ELMUNDODINERO | AGENCIAS [14:38etan eguneratua]
La masacre que se ha vivido en la capital española esta mañana ha provocado un fortísimo descenso de todos los índices europeos.
Los rumores que se están alimentando sobre la posibilidad de que haya sido Al Qaeda la autora de las explosiones aumenta el nerviosismo en los mercados, ya que aunque el Gobierno atribuye la acción a ETA, el atentado aún no ha sido reivindicado.
Iturria: http://elmundodinero.elmundo.es/mundodinero/2004/03/11/Noti20040311101100.html
Aurreko mezua bidali ahala, jatorrizko testua aldatu egin dute!! Orain bigarren paragrafoak honela dio:
Sin embargo, las caídas se moderaban muy ligeramente después de que el Gobierno atribuyera el atentado a ETA, ya que las conjeturas de que hubiera podido ser un grupo terrorista islámico habían aumentado el nerviosismo entre los inversores.
Aldea dago, ezta?
http://elmundodinero.elmundo.es/mundodinero/2004/03/11/Noti20040311101100.html
- Pozo: 30 hildako
- Atotxan: 15 hildako
- Santa Eugenia: 15 hildako
- Zaurituak 100, oso egoera txarrean, Atotxan dagoen informante batek dioenez.
Madrileko tren zerbitzua etenda geratu da. Metroa ere geldi dago zenbait lekutan.
Egoera larria Atotxa, El pozo, Santa Eugenia...