"Hala bazan... Debagoieneko plazan" ipuin bilduma argitaratu du Goienak
"Hala bazan...Debagoienean" ipuin liburua aurkeztu du Goienak gaur Aramaion. Eskualdean jasotako lau ipuinez osatuta dago liburua eta hiru edizio egingo dira; ibarreko hiru azpieuskalkitan. Juan Martin Elexpuru, Jerardo Elortza, Divina Arriolabengoa eta Arantza Ozaeta dira ipuinen egileak.
Eskualdean jasotako lau ipuinez osatuta dago liburua. Batzuk Euskal Herrian zehar ezagunak diren beste ipuin batzuen aldaerak dira, eta besteak erabat orijinalak. Hona hemen ipuinen izenburuak eta egileen izenak:
- Juaniko Txistu. Juan Martin Elexpuru.
- Torreko zubixa. Jerardo Elortza.
- Arrasateko dragoia. Divina Arriolabengoa eta Arantza Ozaeta.
- Hontza zergatik bizi dan gabaz. Divina Arriolabengoa eta Arantza Ozaeta.
Divinak eta Arantzak elkarrekin egin zituzten bi ipuin. Aramaioko Udalak emandako beka bati esker jaso zituzten ipuinok.
Marrazkiz jantziak
Hitzez gain, marrazkiek ere garrantzi handia dute ipuin hauetan. Lau ilustratzaile aritu dira istorioak irudiz janzten:
- Jabier Erostarbe. Juaniko Txistu.
- Jokin Mitxelena. Torreko Zubixa.
- Lorena Martinez Oronoz. Hontza zergatik bizi dan gabaz.
- Iñigo Sarasola. Arrasateko dragoia.
Hiru azpieuskalkitan
Liburuak hiru bertsio izango ditu, eskualdeko azpieuskalkien arabera, eta Asteleheneko Goienkaria-ren harpidedunen artean banatuko da, dohainik.
Datorren astean hasiko dira liburua banatzen harpidedunen etxeetan. Hala ere, apirilaren 7a baino lehen harpidedun egiten diren guztientzat banatuko denez, bigarren banaketa bat ere egingo da.
Ez badut gaizki ulertu, honek esan nahi du Goiena Komunikazio Zerbitzuak hasi dela beste esparru bat lantzen, liburuena. Eta horrela bada, pozten naiz.