Teknofiloen albistegia
21

ENA Elkarteak 2. agiria sortu du: Euskal Sendi Agiria

Erabiltzailearen aurpegia
ENA Elkartea - ENA Euskal Nortasun Elkartea
2004-03-10 : 09:03

ENA Elkarteak, sei urte ondoren, euskal nortasunean sakondu eta adierazteko balioko duen bigarren agiria aurkezten du: Euskal Sendi Agiria.

ENA Elkarteak, sei urte bete ondoren, euskal nortasuna sustatzeko egindako lana, emankorra bezain zabala izan da:

  • Euskal Nortasun agiriak egin dira, 32.000, hain zuzen.
  • ENA agiria 800.000 aldiz erabili da, mota guztietako erakundetan.
  • Bost liburu argitaratu dira, euskal nortasunaren inguruan: "Euskal Nortasunaren Kontzientzia", "Euskal izendegia", "Identifikazio Moduak Mundu Zabalean", "Eskualde Bereziak eta Eraikuntza Nazionala" eta "ENA: 6 Urtetako Kronika eta Erabiltzeko Gida".
  • Lau ENA EGUNA egin dira: Lehenengoa Bermeon ospatu zen "Euskal Herritartasuna" gaiarekin, II.a Etxalarren "Herritartasun Bikoitza", III.a Alontsotegin "Paperik gabekoak eta Herritartasuna" eta IV. Arruazun pasa den urrian: "Herritartasuna eta Europa".
  • “Euskal nortasuna”ren gaia asko zabaltzen eta sakontzen lagundu dugu egindako lanei eta argitalpenei esker. Orain dela 6 urte ia inork ez zuen aipatzen gai hau eta, gaur egun, hemengo alderdi gehienek eta zenbait erakundek euren diskurtso eta programetan jasotzen dute.
  • “Nortasuna eta identifikazio agiriak Euskal Herrian” izeneko erakusketa ere prestatu du Elkarteak. Honetan, azken 120 urte hauetan gure herrian erabili izan diren agiriak ikus daitezke eta, horrekin batera, ENA elkarteareN historia eta lorpenak.

· Hamasei udalerrietan ofiziala: 16 udalek agiri ofizial gisa aitortuta dute ENA. Udal hauek Euskal Herriko biztanleriaren %2 biltzen dute, hau da, 55.000 lagun inguruk ENA erabil dezakete modu ofizialez euren udalerrietan.

· Elkarteen laguntza: 9 elkartek, gehienak euskara alorrekoak, laguntzen dute agiria zabaltzen.

EUSKAL SENDI AGIRIA

Orain arte, erabili izan ditugun sendi agiriek ez digute euskal nortasuna adierazten uzten, gugandik oso urrun dauden bi estatuek egindakoak direlako. Horregatik, Euskal Herrian gauden 934.000 familia euskal sendi gisa agertzeko ezinbesteko tresna sortu dugu: Euskal Sendi Agiria. Bere garaian, ENA egin genuenean sortarazi genuen ALDAKETA antzeko bat gertatuko delakoan gaude honako honekin ere.

Familia liburuak honako hauetarako erabili ohi dira:

  • Eskola edo ikastoletako matrikulak egiteko.
  • Kiroldegietako txartela egiteko.
  • Estatuko mugak igarotzeko.
  • Errenta aitorpena egiteko.
  • Seme-alabek 18 urte bete arte identifikatzeko.
  • Enpresetan errenta aitorpena egitean eransteko.
  • Seme-alaben ikasketengatiko bekak bideratzeko.
  • Gizarte Segurantzako kartilan seme-alabak apuntatzeko...

Aurrekoez funtzioetatik kanpo, Sendi Agiriak gure familia erakusteko balio izango du eta gure funtsezko datu batzuk euskaraz emateko.

Sendi Agiria egin nahi baduzu, 944 234 631 telefono deitu eta informazio eta eskaera agiria bidaliko dizkizugu. ENA bultzatzen duten udaletxe eta elkarteetan eta egoitza nagusian ere tramita daiteke: Erripa, 6 – Bilbo - 48001 (enalekartea@euskalnet.net).

Espainiako eta Frantziako Famili Liburuen zenbait zehaztapen:

Hegoaldean estatuak daukan famili liburuan, 1990 urtetik aurrera edo, inprimatutako testuak euskaraz ere egon arren, zenbait informazio erdara hutsean dago, eta eskuz betzen diren datuak, ia beti, erdaraz betetzen dituzte funtzionariek. Zigiluak ere, erdara hutsean daude.

Baina larriena hauxe da: bai gu bai gure seme-alaben datuak Erregistro Zibiletako liburuetan erdaraz baino ez dituzte erregistratzen, eta liburuok ere, oraindik orain, erdara hutsean daude eta langile gehienak erdaldunak dira.

Liburu horiek legea bete dezaten, hau da euskaraz ere egon daitezen, behin eta berriz eskatu izan dute ENA elkartekide batzuek, baina ez da ezer lortu. Delako liburu hori “erdi sakratutzat” daukate Hegoaldeko Erregistroetan behintzat, aparteko inolako aipamen idatzirik ezin baita bertan egin, arduradunaren baimenik gabe.

Gainera, gurasoek behartzen gaituzte erdarazko Erregistro Liburu hori sinatzen. Honen aurrean, guraso batzuek uko egin diote erregistratzeari, erdarazko liburu bat ez sinatzearren. Ondorioz, Erregistro Zibilak berak erregistratzen ditu, nahiz eta ez izan gurasoen izenpea.

Iparraldean estatu frantsesaren konstituzioak ez du hizkuntza frantsesaz kanpoko beste hizkuntza bat ere errekonozitzen eta ez du aukerarik ematen euskaraz egiteko.

Erantzunak

Jesus Bilbotik
2004-03-10 : 12:17

Piska bat galduta nago. Zergatik egin ENA edo Sendi Agiria orain. Ez dago ba bat esaten duena Euskal Herriko Nortasun Agiria dela?

Nik uste nuen gauza bera zirela eta ni EHNA egitekotan naiz. Norbaitek esango dit ondo egin behar dudan edo ez?

Mikel
2004-03-10 : 13:33

Nik berriz ez dot uste EHNA bihar danik euskaldun sentitzeko.

Gainera jadanik badaukagu ENA. ENA-ri buruzko informazioa



http://www.geocities.com/enataldea/enajarraitu.htm

http://www.geocities.com/enataldea

Mikel
2004-03-10 : 13:39

Nik berriz ez dot uste EHNA bihar danik euskaldun sentitzeko.

Gainera jadanik badaukagu ENA.



http://www.geocities.com/enataldea/enajarraitu.htm

http://www.geocities.com/enataldea

EHNA
2004-03-10 : 15:22

> Nik berriz ez dot uste EHNA bihar danik euskaldun sentitzeko.

> Gainera jadanik badaukagu ENA.

>

> http://www.geocities.com/enataldea/enajarraitu.htm

> http://www.geocities.com/enataldea

>

Aupa Mikel, ez nago ados zure iritziarekin. ENAren alde agertzen zara eta euskaldun sentitzeko EHNA ez dugula behar diozu. Nik aldiz EHNA egin eta erabiltzearen beharra ikusten dut, euskaldun sentitzen naizelako eta edonon karneta eskatzen didatenean berau erakusteko beharra daukat.

Unai Larreategi
2004-03-10 : 16:28

> Piska bat galduta nago. Zergatik egin ENA edo Sendi Agiria orain. Ez dago ba bat esaten duena Euskal Herriko Nortasun Agiria dela?

Bai, badago eta polit askoa gainera.

> Nik uste nuen gauza bera zirela eta ni EHNA egitekotan naiz. Norbaitek esango dit ondo egin behar dudan edo ez?

Biak erabil daitezke helburu berdinarekin. Euskal Herritar bezala erabil ditzakezu frantziar zein espainiar agirien ordez erabiliz. Desobedientzia maila hortarako biek balio dute.

Desberdintasuna ordea bakoitzaren jatorrian dago. ENA (Euskadiko naziotasun agiria?, Euskaltelen espainiako NAN euskaraz ENA bezala identifikatzen dute, espainiar naziotasun agiriaren laburdurak) orain behintzat ekimen pribatu bat da. Hau da agiria ateratze bidez lukratzen den enpresa bat. Ekimen honek soilik agiriak tramitatu eta kobratu egiten du horregaitik, ez du karneta desobedientzi jarreretara bideratzen.

EHNA aldiz Udalbiltzak tramitatzen du (gaur egun hautetsi independistekin osaturikoa, edo batzuk nahiago duten bezala ezker abertzaleko hautetsiekin osatua, nahiz eta danok jakin ez daudela soilik ezker abertzaleko hautetsiak bertan). Baina ez da agiri bat bezala planteatzen, tresna bezala baizik. Euskal herritar izateko gure borondatea adierazten dugu, Euskal Herriarekiko atxekimendua, Euskal Herria herri bat ela eta autodeterminazio zein lurraldetasuna moduko eskubideak zor zaizkiola, euskara Euskal herri osoan ofiziala izateko eskubidea duela... Guzti honekin bat egin eta norbere egiten duenarentzat tresna bat da EHNA. Argi dago batzuk galdetuko dutela, baina ba al du eraginkortasunik? Ba, sinestean dago asuntoa. Orduan edukiko du praktikotasuna agiri honek.

Agiriaren praktikotasun hau bilatze aldera, sortzen ari dira herrietan BAI EUSKAL HERRIAri ekimenak, euskal herritarron eskubide zibil eta politikoak aitortzea helburu dituen taldea.



EHNA egin eta erabili!

Jesus Bilbotik.
2004-03-10 : 17:16



Eskerrik asko Larreategi. Beraz, zure ustez ondo egin behar dut EHNA egiten badut. Hori ulertu dut. Ondorioz, ez dut ondo egingo ENA egingo banu. Hori da esan nahi duzuna? Ez da zirikatzeko, baizik eta galduxamar sentitzen naizelako.

ENA erabiltzaile bat
2004-03-10 : 19:18

Ba, nik ENA dut eta ez dut EHNA egierik pentsatzen

Gilberto
2004-03-10 : 19:40

> Ba, nik ENA dut eta ez dut EHNA egierik pentsatzen



Eta zer dio honi buruz, euskaltzaindiak? ENA edo EHNA, zein izango litzateke egokiena, h-rekin edo barik? egin beharko dute honetarako ere bilera luzeren bat?



Aitor
2004-03-11 : 10:36

Ena, euskera elkarteek bultzatutako ekimena da. Ehna aldiz ezker abertzaleak sorturikoa. Nik aukeratzekotan lehena aukeratzen dut.

Mikel
2004-03-11 : 14:41

Azken finean, EHNA Batasunako Udalbiltzak dirua ateratzeko bide bat besterik ez da. ENA guztiz independientea den elkarte batek sustatu du eta aldiz, EHNA Batasunaren Udalbiltzak (gogora dezagun, Udalbiltza ofiziala eta Batasunaren Udalbiltza dagoela).

Bakoitzaren aukera da bata edo bestea aukeratzea, baina ergi utzi dezatela EHNA-koek bera egiteagatiko 15 euroak nora doazen (askotxo ez al da paper bategatik). ENA-rengatik nik 6 euro ordaindu nituen. Azken finean, iluntasun handia dago gai honen inguruan eta nire eritzitan gutxi batzuek euskal kontzientziaz baliatuz aberasten dira.

Jon Agirre
2004-03-11 : 20:36

Beraz, Batasunaren Udalbiltza ez da ekimen pribatua. Eta Udalbiltza ofiziala zer da? Udalbiltza ofizialak babesten al du EHNA?

Euskaltel? Ze partehartze dauka guzti honetan ?Demagogia merkerik ez mesedez.

Batasunako Udalbiltza ez al da lukratzen EHNA tramitatzearekin lortutako 15 euroekin.

Desobedientziara bideratzen al du Batasunako Udalbiltzak eskatutako 15 euroak? Nola?noiz?

Tresna bezala planteiatzen dela, eta ENA ez al dauka planteiamendu hori? Argumentu horiekin 5 urteko ume bat ere ez da konbentzitzen.

Ba esandakoa: Euskaldunen kontzientzia sirikatzen dabiltza batzuk 15 euroren trukean aberasteko.Nire herrian horrek izen bat dauka.

Irati
2004-03-11 : 20:53

Aupa Mikel, EHNAri buruz deus jakin gabe mintzatzen ari zira. EHNA Udalbiltzak bultzatzen du baina horretan jo eta su lanean dabiltza BAI EUSKAL HERRIARI koak. Bestalde, nik dakidala, zoritxarrez bi Udalbiltza daude, ezker abertzalearena eta EAJ-EArena bertzea. Lehenengoa estatu espainiarraren legeen arabera ilegala da, niretako EZ. Eta oroitu ere, Udalbiltzako hainbat zinegotzi GARTZELAN daudela, Euskal Herrian sinesteagatik. Informazio gehio, www.udalbiltza.net webgunean.aio.

>

JON
2004-03-12 : 13:39

ENA, EHNA eta antzeko guztien aurka agertu naiz eta bestelako agiri bat egin gura duzue? Nik euskalduna izateko ez dut inolako agiririk behar, eta agiri hori asumitzea mentalitate polizialaren ondorio baino ez da, "nortasuna" adierazteko paperen bat behar dugula, alegia (gogoratu, Britainia Handian adibidez ez dut antzeko agiririk).

Espainiaren aurkako benetako desobedientzia zibila egin gura badugu, erre ditzagun DNIak, baina ez dezagun espainiar agiria funtzioa bera beteko lukeen euskal agiri bategatik ordezkatu. Baditugu gure nortasunaren adierazle diren dozenaka agiri: gida-baimena, kreditu txartelak (bai, batzuek argazkiak dituzte), igerileku, liburutegi eta antzekoetako karnetak... eta orain beste bat?

Ibarretxe ez dut sobera maite, baina bere planean ba omen zegoen Osakidetzako argazkidun txartela egiteko asmoa: bada, kitto! hori bera bada nortasun agiri bat, besteren beharrik gabe.

Unai Larreategi
2004-03-12 : 16:15

> Beraz, Batasunaren Udalbiltza ez da ekimen pribatua. Eta Udalbiltza ofiziala zer da? Udalbiltza ofizialak babesten al du EHNA?



Udalbiltza ofiziala zer den esaten ez naiz sartuko. Udalbiltza bakarra zegoenetik zegoen proiektua mahai gainean, baina itxuraz koiunturaren arabera bakarrik daukagu eskubidea euskal herritar gisa identifikatzeko zenbaiten ustez. Horregaitik momentu hontan ez du ezer esaten Udalbiltza ofizialak asuntoaz.



> Euskaltel? Ze partehartze dauka guzti honetan ?Demagogia merkerik ez mesedez.



Aurreko batean kontratu bat firmatu nuen Euskaltelen eta bertan ikusi nuenak grazia egin zidalako komentatzen nuen aurreko iritzian. Kontratua elebitan zegoen eta karneta eskatzen zuen laukitxoan DNI/ENA azaltzen zen. Orain arte NAN zela uste nuen euskaraz eta galdetu nion ea ENA hortan nere euskal herritar agiriaren zenbakia jartzeak balio zuen. Jakina neskak parre txiki bat egin zidan, ENAk espainiar naziotasun agiria esan nahi omen zuen eta. Ez nuen inongo demagogokeritan sartu nahi.



> Batasunako Udalbiltza ez al da lukratzen EHNA tramitatzearekin lortutako 15 euroekin.



Bai, udalbiltzakoak izatearren kartzelan daudenak dabiltza lukratzen.



> Desobedientziara bideratzen al du Batasunako Udalbiltzak eskatutako 15 euroak? Nola?noiz?

> Tresna bezala planteiatzen dela, eta ENA ez al dauka planteiamendu hori? Argumentu horiekin 5 urteko ume bat ere ez da konbentzitzen.



Eskatu ENAkoei beraien agiriaren erabileraren inguruko hausnarketaren bat. Ea inon azaltzen den tresna edo desobedientzia hitzik...

Beharbada 5 urteko umearena sobran dago...



> Ba esandakoa: Euskaldunen kontzientzia sirikatzen dabiltza batzuk 15 euroren trukean aberasteko.Nire herrian horrek izen bat dauka.

>



Moskeatu, haserretu egin beharko nintzateke. Baina isilik geldituko naiz,

Ondo segi,

Mikel
2004-03-12 : 17:05

Ikusten dudanez batzuk ez dakigu deuz, baina zuk argitzeko asmorik ere ez daukazu. Nortzuk dira Bai Euskal Herriarikoak?Zein lotura dago Batasunaren Udalbiltza eta Bai Euskal Herriari artean? Horaindik ez du inork argitu 15 euro horiek nora doazen. Gainera Euskal Herrian sinisteagatik gartzelan demagogia gutxiago mesedez.Web orriari buruz:

EUSKAL HERRIKO UDAL ETA HAUTETSIEN BILTZARRA, http://www.udalbiltzainfo.com.

Beraz, demagogia gutxiago, hemen jadanik nagusitxoak gara eta, manipulazioa nagusitzen denean, malo.

Laster arte.





Aupa Mikel, EHNAri buruz deus jakin gabe mintzatzen ari zira. EHNA Udalbiltzak bultzatzen du baina horretan jo eta su lanean dabiltza BAI EUSKAL HERRIARI koak. Bestalde, nik dakidala, zoritxarrez bi Udalbiltza daude, ezker abertzalearena eta EAJ-EArena bertzea. Lehenengoa estatu espainiarraren legeen arabera ilegala da, niretako EZ. Eta oroitu ere, Udalbiltzako hainbat zinegotzi GARTZELAN daudela, Euskal Herrian sinesteagatik. Informazio gehio, www.udalbiltza.net webgunean.aio.



Mikel
2004-03-12 : 17:20

> > Beraz, Batasunaren Udalbiltza ez da ekimen pribatua. Eta Udalbiltza ofiziala zer da? Udalbiltza ofizialak babesten al du EHNA?

>

> Udalbiltza ofiziala zer den esaten ez naiz sartuko. Udalbiltza bakarra zegoenetik zegoen proiektua mahai gainean, baina itxuraz koiunturaren arabera bakarrik daukagu eskubidea euskal herritar gisa identifikatzeko zenbaiten ustez. Horregaitik momentu hontan ez du ezer esaten Udalbiltza ofizialak asuntoaz.

ENA -k ez al du balio?

>

> > Euskaltel? Ze partehartze dauka guzti honetan ?Demagogia merkerik ez mesedez.

>

> Aurreko batean kontratu bat firmatu nuen Euskaltelen eta bertan ikusi nuenak grazia egin zidalako komentatzen nuen aurreko iritzian. Kontratua elebitan zegoen eta karneta eskatzen zuen laukitxoan DNI/ENA azaltzen zen. Orain arte NAN zela uste nuen euskaraz eta galdetu nion ea ENA hortan nere euskal herritar agiriaren zenbakia jartzeak balio zuen. Jakina neskak parre txiki bat egin zidan, ENAk espainiar naziotasun agiria esan nahi omen zuen eta. Ez nuen inongo demagogokeritan sartu nahi.

>

> > Batasunako Udalbiltza ez al da lukratzen EHNA tramitatzearekin lortutako 15 euroekin.

>

> Bai, udalbiltzakoak izatearren kartzelan daudenak dabiltza lukratzen.

> Gartzelaren argumentuarekin ez goaz inora, bestela beti gaude argumentu errazak ateratzen (Bush-ek ere bere guda erraz asko argumentatzen du eta Aznarrek tropen bidaltzea ere.)

> > Desobedientziara bideratzen al du Batasunako Udalbiltzak eskatutako 15 euroak? Nola?noiz?

> > Tresna bezala planteiatzen dela, eta ENA ez al dauka planteiamendu hori? Argumentu horiekin 5 urteko ume bat ere ez da konbentzitzen.

>

> Eskatu ENAkoei beraien agiriaren erabileraren inguruko hausnarketaren bat. Ea inon azaltzen den tresna edo desobedientzia hitzik...

Beraz ENA-ko erabiltzaileak zer dira? Ze etiketa jartzen diezu?

> Beharbada 5 urteko umearena sobran dago...

Ikusten da argumentatzeko gogorik ez dagoela ala ahalmenik ez dagoela... Hitzak barik ekintzak dira behar dena eta hemen ez dut ikusten bat ere.

> > Ba esandakoa: Euskaldunen kontzientzia sirikatzen dabiltza batzuk 15 euroren trukean aberasteko.Nire herrian horrek izen bat dauka.

> >

>

> Moskeatu, haserretu egin beharko nintzateke. Baina isilik geldituko naiz,

> Ondo segi,

Bai, hemen batzuk haserretzen dira egiak arpegiratzeagatik ala? Esaten direnak esan ondoren kritikak jasotzera ohitu beharra dago, eta inongo argumenturik heman ezik hobeto ixilik.

Unai Larreategi
2004-03-12 : 17:50

> ENA -k ez al du balio?



Eta nik esan al dut ez duenik balio?



> > Gartzelaren argumentuarekin ez goaz inora, bestela beti gaude argumentu errazak ateratzen (Bush-ek ere bere guda erraz asko argumentatzen du eta Aznarrek tropen bidaltzea ere.)



Ez klaro, kartzelaren argumentuak ez du balio, hautetsiak ilegalak izateak ere ez du balio, Zuberoara bideratu behar ziren 500.000 euroen lapurretak ere ez du balio... Baina balio du pentsatzeak horiek guztiak aparte utzi eta 15 eurorekin Udalbiltza negozioa egiten dabilela, ezta?



> Beraz ENA-ko erabiltzaileak zer dira? Ze etiketa jartzen diezu?



Ni erabiltzaileekin ez naiz sartu eta ez naiz sartuko.



> Bai, hemen batzuk haserretzen dira egiak arpegiratzeagatik ala? Esaten direnak esan ondoren kritikak jasotzera ohitu beharra dago, eta inongo argumenturik heman ezik hobeto ixilik.



Hori, hori. Horixe esaten nion nik atzo Ibarretxe zein Imazi.



Eta pentsatzen dudanez nere argumentazioek ulertu nahi ez duenarentzat ez dirala argigarri izango, ez naiz gehiago beste ezer erantzuten hasiko. Ni ixiltzera noa.



Baina idatzi trankil erantzuna, irakurriko dut eta. Kontuan eduki hala ere zeuk esandakoa, inongo argumenturik eman ezik hobeto ixilik.

Mikel
2004-03-12 : 18:18

> > ENA -k ez al du balio?

>

> Eta nik esan al dut ez duenik balio?

Zertarako balio duela diozu bada? Nahasmenduan ala?

>

> > > Gartzelaren argumentuarekin ez goaz inora, bestela beti gaude argumentu errazak ateratzen (Bush-ek ere bere guda erraz asko argumentatzen du eta Aznarrek tropen bidaltzea ere.)

>

> Ez klaro, kartzelaren argumentuak ez du balio, hautetsiak ilegalak izateak ere ez du balio, Zuberoara bideratu behar ziren 500.000 euroen lapurretak ere ez du balio... Baina balio du pentsatzeak horiek guztiak aparte utzi eta 15 eurorekin Udalbiltza negozioa egiten dabilela, ezta?

> Oraindik ez duzu esan nora doazen 15 euroak? Beldurra egia argi eta garbi azaltzeari?

Lapurrak beraz, asko.

> > Beraz ENA-ko erabiltzaileak zer dira? Ze etiketa jartzen diezu?

>

> Ni erabiltzaileekin ez naiz sartu eta ez naiz sartuko.

>

> > Bai, hemen batzuk haserretzen dira egiak arpegiratzeagatik ala? Esaten direnak esan ondoren kritikak jasotzera ohitu beharra dago, eta inongo argumenturik heman ezik hobeto ixilik.

>

> Hori, hori. Horixe esaten nion nik atzo Ibarretxe zein Imazi.

IBARRETXE??? IMAZ??? Bi tipo hauek zer daukate ikusirik ENA edo Batasunaren EHNA-rekin? Atzo biekin ibili al zinen ala? nik neuk ere esango nieke pare bat gauza...

>

> Eta pentsatzen dudanez nere argumentazioek ulertu nahi ez duenarentzat ez dirala argigarri izango, ez naiz gehiago beste ezer erantzuten hasiko. Ni ixiltzera noa.

Argumentu faltan azkenean ixiltzearekin nahiko. Behintzat horrela ez dago manipulatzerik. Ongi da eta eskertzen da zure boluntade ona.

>

> Baina idatzi trankil erantzuna, irakurriko dut eta. Kontuan eduki hala ere zeuk esandakoa, inongo argumenturik eman ezik hobeto ixilik.



Eskerrik asko eta beste bat arte!

>

Urtzi Ihitza Sainz
2004-03-16 : 18:59

ENA Elkartearen izenean erantzuteko beharra:

Urtzi Ihitza Sainz naukazu. 2 helburu nagusi dauka elkarteak bere hasieratik, orain 6 urte luze: 1. Euskal Nortasunaren kontzientzian sakondu (euskal-tasuna, euskaltzaletasuna, baskotasuna, euskal-duntasuna, nortasuna, nazionalitatea, lurralde-tasuna...) 2. ENA agiria ahalik eta gehien egin, erabili, erabilarazi eta ofizialtasuna lortu.

Gakoan eman dugulakoan gaude 32.000 ENAdunekin batera: Batasunaren Udalbiltzak bere Naziotasun Aitormena zortu zuen, horixe bait da izen ofiziala orain zoritxarrez gartzelan dagoen Oskar Goñi ENAdunaren hitzetan. Estatu espainoleko gobernuak DNIri euskara (galegoera, katalanera...) sartzea erabaki zuen ere.

ENAk bere hasieratik ere erakutsi zuen euskal herritarrek identifikatuak izatekotan euskarazz egin ahal izateko beste dokumentu batzuk egitearen asmoa: orain 2 urte erabaki zen ESA Agiria plazaratzea eta urte bete bate nburuan egiten hasi ginea. Orain 15 Sendi Agiri daude eginda eta aurten hasi da komunikabideetan gehiago ateratzen, baian Agiri berri honekin urte bete daramagu lanean.

Bide batez gehitzea, aspalditik Udalbiltza batean zein bestean dauden 16 udalerritan dela ofiziala ENA, beste 20tan ere onartzen dute eta 3 erakunde politikok oraingoz bultzatzen dutela: EA, Aralar eta Batzarre. ICV eta ANVk ere bere garaian apoiatu zuten. ICV desagertu omen da, 31.000 botu eukitzera heldu zen eta ANVk gero Naziotasun Aitormenari eman zion bere babesa. 16 udaelkin batera 8 elkarte ere ENAkideaka dira eta ENAdun gzutiak daude ENAkide izateko gonbidatuta: batzarretara joan, edo eskaera orriak banatu, edo ENAkidetza txartela bete eta bidali.



Gutariko batzuk behintzat ez dugu poliziarik nahi ez ta inor kontrolatu ere, baina den denok biluzik eta agirik gabe jaio ginen arren, gero denok jantzi gaituzte eta erdara hutsezko agiriez. Herritartasun agiri bat ekimen zibila da eta inoiz ez militarra.



DNIak erretzearekin bat nator eta 2000tik gorako lagun multzo bat osatzen ba dugu denok, prest naukazu, baina ni ez naz lehena izango. Horrela planteatu nuen ENAren Batzar Nagusi batean eta aportazio bezala ikusi zen proposamena.

Azkenik Bai Euskal Herriari 2 aldiz gonbidatu dugu ENA Egunerako eta ez dira etorri. Harreman bakarra Gaseziko Foroan izan zen eta gero guk bidalitako erabaki garrantzitsu bat. Hal ere harremanetarako prest jarraitzen dugu.

Izaera nazionaleko Elkarte herritar euskaltzale honetako partaide izateko baldintza bakarra jarri dugu hasieratik: ENAdun izatea. Hori bai euskaraz euskaraz funtzionatzen dugu.

Eslkerrik asko honaino irakurtzen heltzeagatik eta nahi duzun arte. Urtzi Ihitza Sainz.



> ENA, EHNA eta antzeko guztien aurka agertu naiz eta bestelako agiri bat egin gura duzue? Nik euskalduna izateko ez dut inolako agiririk behar, eta agiri hori asumitzea mentalitate polizialaren ondorio baino ez da, "nortasuna" adierazteko paperen bat behar dugula, alegia (gogoratu, Britainia Handian adibidez ez dut antzeko agiririk).

> Espainiaren aurkako benetako desobedientzia zibila egin gura badugu, erre ditzagun DNIak, baina ez dezagun espainiar agiria funtzioa bera beteko lukeen euskal agiri bategatik ordezkatu. Baditugu gure nortasunaren adierazle diren dozenaka agiri: gida-baimena, kreditu txartelak (bai, batzuek argazkiak dituzte), igerileku, liburutegi eta antzekoetako karnetak... eta orain beste bat?

> Ibarretxe ez dut sobera maite, baina bere planean ba omen zegoen Osakidetzako argazkidun txartela egiteko asmoa: bada, kitto! hori bera bada nortasun agiri bat, besteren beharrik gabe.

ENA Elkartea
2004-03-17 : 00:12

ENA Elkarteak, Sustatun egondako galde-erantzunak irakurri ondoren, ondorengo ekarpenak egin nahi ditu:



- Sendi Agiriaren aurkezpena egin genuenean, horixe besterik ez genuen egin nahi: aurkeztea euskal herritarrei gure familiak beste modu batera ezagutari ahal dugula, estatuen liburu ofizial arrotzak erabili gabe. Horretarako agiri eramangarri, argazkidun, praktiko eta euskarazkoa sortu dugu, berriz ere, familia agiri “ofizialak” aurreratuz.



- Orain dela sei urte ENA agiria sortu genuenean, argi geneukan ez genituela kopiatu nahi Espainiako DNIren akatsak: kontrolatzeko agiria, derrigorrezkoa, hatz markak jarri beharra, soinean eraman beharra, bere zenbakia agiri guztietan jarri beharra... Guk beti esan dugu: “euskaldunok, gure izen-deiturak esanda, identifikatzen gara”. Hau oso oso garrantzitsua da eta euskaldunoi dagokigun zintzotasunean oinarrituta dago. Ezin dugu hori galdu inolaz ere ez. Horregatik, ENA agiria, orain, eta independentzia lortuta ere, borondatezkoa izan beharko litzateke, Europako estatu gehienetan bezalaxe.



- Horregatik, gure elkarteak, nortasun agirien zenbakia ahalik eta gutxien erabiltzearen aldekoa da. Ken dezagun kontratuetan, fakturetan... Izen-deitura nahiko eta soberan dira kasu gehienetan!



- Euskalduna izateko ez da euskal agiririk behar. Noski. Baina gida baimenak Frantzia eta Espainiakoak dira, erdara hutsean edo “elebitasun” ederrean idatzita. Kreditu txartel asko erdara hutsean edo bi hizkuntzetan. Osakidetza berdin. Ezin dugu euskaldunok eta euskal herrritar guztioak, Hegoaldekoek zein Iparraldekoek, euskara hutsezko agiririk eduki? Mila paper egin behar ditugu gure izen-deiturak euskal grafiaz edukitzeko?. Beste estatuek, borondatezko nortasun agiriak badituzte, gu geuk euskal herritarrok ezin dugu horrelakorik eduki?



- Eta sendi agiria ateratzeko zergaitik izenpetu behar dugu Erregistro Zibileko erdarazko liburua? Zergaitik onartu behar dugu erdaldunez betetako bulegorik? Zergaitik ikusi behar dugu gure hizkuntza bigarren mailan beti? Kokotaraino gaude, haiek ez badaude prest euskarari dagokion lekuan jartzeko, guk geuk jarriko dugu.



- ENA agiria ateratzeko lau baldintzen artean, bata euskalduna izatea da. Hori da euskal herritarra izateko modu garrantzitsuena eta, gure arbasoek, horregaitik jarri zioten gure herriari Euskal Herria izena.



- Bigarren Udalbiltzak beste agiri bat egitea erabaki zuen: Naziotasun Aitormena. Erabaki desegokia iruditu zitzaigun nahasketa eta zatiketa sortaraziko zituelako. Baina nahasketa izugarri bihurtu zen sigla ia berdina ere aukeratu zutenean: EHNA. Gainera, karteletan, Euskal Herriko Naziotasun Aitormena erabili beharrean, Euskal Herriko Nortasun Agiria edo Naziotasun Agiria erabiltzen hasi dira. Produktu desberdinagoa egin behar izan zuten, sigla batez ere. Ahalik eta gutxien nahasteko behintzat!



- Hala ere, DNI edo CNI dagoen lekuetan ez dezagun gure agiria jarri, gehienetan ez delako zenbakirik behar! Eta aurrezki kutxan dirua atera behar dugunean, edo gasolindegi edo supermerkatuan txartelaz ordaintzean, erakutsi dezagun Euskal Herrian gaudela, euskal nortasun agiriak, bata zein bestea erabiliz!



Euskal nortasunaren alde!

Euskararen alde!

ENAren alde!



BAI EUSKAL HERRIARI
2005-04-14 : 14:18

ARABA, BIZKAIA eta GIPUZKOAko LEGEBILTZARRERAKO HAUTESKUNDEAK





EUSKAL HERRIA ZATIKATURIK Tamalez, 2005. urtera iritsi garen honetan, Euskal Herrian atzerritik inposaturiko zatiketa administratiboak indarrean dirau. Horren adierazgarri da beste behin ere euskal herritarrok bizi garen lurraldearen arabera soilik bozkatu ahal izanen dugula apirilaren 17an.



BERAZ ezin esan genezake hauteskunde hauetan euskaldunok gure etorkizuna erabakiko dugunik, Araba, Bizkaia eta Gipuzkoako lurraldeetan bizi diren euskal herritarrak soilik izango bait dute parte hartzeko aukera.



Gure huste apalean, Euskal Herriaren etorkizunari buruzko erabakirik ezin daiteke hartu Lapurdi, Nafarroa Beherea eta Garaia eta Zuberoako herritarrei galdegin gabe.





EUSKAL HERRIAN DEMOKRAZIA EZA, AGERIAN Hauteskunde hauetan alderdien proiektuez baino zenbait alderdi edo hautu politikoen parte hartzean zentratzen ari da eztabaida politiko guztia.



BAI EUSKAL HERRIARI herri ekimenaren ustez, euskal jendartetik sortzen diren ekimen, alderdi edo hautu politiko guztiek izan behar dute aukera hauteskunde hauetan parte hartzeko. Herritarrak izan beharko ginateke hautu politiko bakoitzari babesa eman edo kentzeko ahalmena izan behar genukeen bakarrak.



Egungo egoera oso bestelakoa da, atzerriko gobernu batek inposatzen bait du Euskal Herrian nork parte har dezaken eta nork ez. Horregatik diogu euskal herritarron eskubide zibil eta politiko guztiak inoiz baino zapalduagoak aurkitzen direla.





EUSKAL HERRITAR GISA EHNArekin BOZKATU Araba, Bizkaia eta Gipuzkoako herritarrok euskal naziotasunaren jabe gara. Egun gure naziotasuna ukatu egiten zaigu eta espainiar naziotasun arrotza inposatzen zaigu. Halere, aspaldidanik badugu euskal herritarrok gure naziotasuna eta gure nortasuna munduaren aurrean agertzeko tresna. Euskal Herriko lehen instituzio nazionalak, UDALBILTZAk, eskainiriko tresna da EHNA (Euskal Herriko Naziotasun Aitormena). Hau honela izanik EHNArekin BOZKATZEKO DEIA LUZATZEN DUGU.





DEIA Gaur arte Euskal Herri osoan eta ehundaka Hautes-mahaietan, milaka euskal herritarrek normaltasunez, EHNArekin bozkatu ahal izan dute. Horregatik, dei egiten diegu Hautes mahaietan egon behar duten herritarrei, beren bizilagunek libreki EHNArekin bozkatzeko hautua egiten badute, berau errespetatzeko.





EUSKAL ALDERDI POLITIKOEI DEIA Aurreko hauteskundeetan hainbat ordekari politikoen eraginez, hainbat hautes mahaietan zailtasunak izan ziren EHNArekin bozkatzeko.



Bere burua EHNArekin aurkezten duen euskal herritar oro, errespetatua izanen dela bermatzea eskatzen diegu alderdi politikoetako zuzendaritzei, abertzaleei bereziki.



AIPAMEN BEREZIA egin nahi diegu BALMASEDA, GÜEÑES, ZALLA eta GERNIKAKO EAJ-PNV alderdiko kideei eta bereziki Gernikako alkateari, azken hauteskundeetan beraiek izan bait ziren euskal herritarrei espainiar agiriak eskatzen ihardun zuten Espainiaren inposaketaren ordezkariak.







Hauteskunde hauetan ere aipaturiko alderdiren bateko ordezkariren batek euskaldunoi espainiar nortasun agiriaz bozkatzera behartuko bagintu publikoki salatzeko konpromisoa berresten du BAI EUSKAL HERRIARI herri ekimenak.



UDALBILTZAK HERRITARREN ESKURA JARRIRIKO BITARTEKOAK ERABILTZEKO DEIA luzatzen diegu Araba, Bizkaia eta Gipuzkoako herritarrei. Hautes mahai guztietan nazio instituzioaren SALAKETA ORRIAK izango dira eskura. Horrez gain, otsailaren 20ko erreferendumean indarrean jarririko SALAKETA TELEFONOA ere abian izanen du igande honetan, zenbakia 615 005 835 delarik.



Bozkatzerako garaian arazorik balego, SALAKETA ORRIA BETE eta UDALBILTZAren TELEFONORA DEITZEKO DEIA luzatzen diegu Araba, Bizkaia eta Gipuzkoako herritarrei.







Euskal Herrian 2005eko apirilaren 14an.



BAI EUSKAL HERRIARI Herri Ekimena

Erantzun

Twitter ikonoa  Facebook ikonoa  Sartu