Film Laburren Zirkuitua jarri du martxan Topaguneak
Euskara Elkarteen Federazioaren kultura sailak, Film Laburren Zirkuitua izeneko ibilbide kulturala jarri du abian. Martxoaren 3tik apirilaren 2ra bitartean, Eusko Jaurlaritzak argitaratzen duen "Kimuak" bildumako laburrak ikusteko aukera izango da Euskal Herriko hainbat herri eta auzotan.
"Kultur Errota" ez bezala, proposamen berri hau kultur adierazpide bakar batean oinarritzen da, zinean, eta honen barruan, iraupen laburreko ekoizpenetan. Zirkuitu honen helburuak dira eskaintza kulturala aberastea, euskarazko ekoizpena sustatzea eta zinegile eta ikusleek elkar ezagutzea.
Euskal sortzaileen bost labur
- Basurdea (Ane Muñoz Mitxelena). Komedia, 14 minutu.
- Terminal (Aitzol Aramaio). Drama, 12 minutu.
- Dortoka Uhartea (Maru Solores). Fikzioa, 15 minutu.
- Belarra (Koldo Almandoz). Fikzioa, 10 minutu.
- Topeka (Asier Altuna). Komedia, 3 minutu eta 30 segundo.
Datozen emanaldiak
- Martxoak 11: Deustua eta Durango.
- Martxoak 12: Balmaseda, Soraluze eta Mutriku.
- Martxoak 13: Altsasu.
- Martxoak 17: Santutxu eta Ermua.
- Martxoak 24: Etxarri-Aranatz eta Erandio.
- Martxoak 25: Oñati eta Areatza.
- Martxoak 26: Aiara, Getxo eta Azkoitia.
- Apìrilak 1: Irun eta Atarrabia.
- Apirilak 2: Irurtzun eta Arrasate.
Emanaldi bakoitzaren ondoren, ikusitako film baten zuzendariarekin solasteko aukera izango dute ikusleek, galderak egin eta iritziak trukatuz. Arlo horren inguruko ezagutza handitu eta jakinmina ase nahi da emanaldiekin.
Antolatzaile eta babesleak
Egitasmo hau Topagunearen kide diren Euskara Elkarteen beste ekimen kultural bat da. Herri bakoitzeko euskara elkarteak hartuko du bere gain tokian tokiko antolaketa lan guztia, euren herri eta auzoetako euskarazko dinamika kulturala eta euskara sustatzeko asmoz.
Euskara Elkarteen Film Laburren Zirkuitua 2004-KIMUAK, Eusko Jaurlaritzaren Kultura Sailak babesten du.
Erantzunak
Martxoa
- Martxoaren 11n, osteguna, 19:30ean, Deustuko Bidarte Kultur etxean, BERBAIZU euskara elkartea.
Zuzendari gonbidatua: Koldo Almandoz. (Belarra) - Martxoaren 11n, osteguna, 20:15ean, Durangoko San Agustin Kulturgunean, BERBARO euskara elkartea.
Zuzendari gonbidatua: Aitzol Aramaio (Terminal) - Martxoaren 12an, ostirala, 10:30ean eta 19:30ean, Balmasedako Udal Ateneoan, BERBETAN euskara elkartea .
Zuzendari gonbidatua: Ane Muñoz (Basurdea) - Goizeko emanaldian. - Martxoaren 12an, ostirala, 19:30ean, Soraluzeko gaztetxean. PILPILEAN euskara elkartea.
Zuzendari gonbidatua: Ane Muñoz (Basurdea) - Martxoaren 13an, larunbata, 19:30ean, Altsasuko Iortia kulturgunean, BIERRIK euskara elkartea.
Zuzendari gonbidatua: Asier Altuna (Topeka) - Martxoaren 17an, 20:00etan, Santutxun. Antolatzailea: Asapala.
- Martxoaren 17an, 20:15ean, Ermuan. Antolatzailea: Euskal Birusa
- Martxoaren 24ean, 20:30ean, Etxarri-Aranatzen. Antolatzailea: Bierrik.
- Martxoaren 24ean, 20:00etan, Erandion. Antolatzailea: Berbots.
- Martxoaren 25ean, 20:00etan, Oñatin. Antolatzailea: Laixan.
- Martxoaren 25ean, 19:00etan, Areatzan. Antolatzailea: Ganoraz.
- Martxoaren 26an, 19:30ean, Aiaran. Antolatzailea: Hogeitalau.
- Martxoaren 26an, 20:00etan, Getxon. Antolatzailea: Bizarra Lepoan.
- Martxoaren 26an, 22:00etan, Azkoitian. Antolatzailea: Maxixatzen.
Apirila
- Apirilak 1, 19:30ean, Irunen. Antolatzailea: Irun iruten.
- Apirilak 1, 20:00etan, Atarrabian. Antolatzailea: Karrikaluze.
- Apirilak 2, 20:30ean, Irurtzunen. Antolatzailea: Bierrik.
- Apirilak 2, 20:30ean, Arrasaten. Antolatzailea: AED.
Emanaldiei buruzko informazio gehiago non aurki dezaket?
Eskertuko nuke.