Bi deialdi bitxi, bietan bainujantzian
Mota askotako lehiaketak daude. Jende ugarik parte hartzen du lehiaketetan. Oraingoan, bi txapelketa bitxi aurkeztu ditu Eroski Bidaiak agentziak. Neguan guztiz murgilduta gaudela kontuan hartu. Alde batetik, agentziako bulego jakin batzuetara bainujantzian agertzeko erronka. Bestetik, astebete agentziako bulego batean egonaldia: hondartza itxura hartu duen erakusleihoan, alegia.
Neguan eta bainujantzian
Hilaren 5a, Bergaran. Eroski Bidaiak agentziako bulegoa berria. 17:00ak eta 17:15ak bitartean. Bainujantzian agertzen diren lehenengo 25 lagunei hotel batean aste bukaera bateko egonaldia opari. Benetan ekintza bitxia.
Deialdi bitxi hori egin du Bergarako Eroski Bidaiak agentziako bulegoak. Baina, Bergarako Udalak turismo agentziako obrak geldiarazi dituela eta atzeratu egin dute ekimen berezia. Data berria zehazteke dago.
Erakusleihoa hondartza bihurtuta
Gasteiza salto egin dugu. Eroski Bidaiak agentziak beste lehiaketa bitxi bat antolatu du: 7 egunetan, 7 orduz, bainujantzian, hondartza itxura hartu duen erakusleihoan mantentzea. Andra Mari Zuriaren plaza ondoan dagoen bulegoan astelehenetik bikote batek hartu du erronka. Lau izarretako hotel batean, bederatzi egun eta zazpi gau Kariben, dena ordainduta. Hori da saria.
Bergarako deialdia atzeratu egin da. Baina ez, Gasteizko Lakuako bulegokoa. Aurreko ostiralean, bulego berriaren aurkezpena zela eta, bainujantzian agertzeko deialdia egin zuten. Bainujantzian agertzearen truke, hotel batean gau bat oparitu zieten lehenengo 25 pertsonei, eta gainontzekoei, Terra Mitica-rako sarrerak.
/cache/Udako-Ola-2024_1_small_content.jpeg)
Irudimenari esker, publizitate faktura ederki murriztea lortuko dute, emaitza txukunekin. Telebista nola dagoen ikusita...