Poltsikoko telefonoko nobelak sustatuko ditu Telefonica-k
Espainiako Telefonica konpainiak nobelak eskaini nahi dizkie bere bezeroei, poltsikoko telefono bidez. Ekimen honetan parte hartzeko, erabiltzaileak i-mode teknologia izan beharko du eta hileko hiru euro ingururengatik, testu bat irakurtzeko aukera izango du. Japonian arrakasta handia izan du ideia honek.
Bezero potentzialak
Espainian, Telefonica-ren Movistar-ek eskainiko du zerbitzu hau. 2003an Japoniako NTTDoCoMo konpainiarekin sinatu zuen akordioa. Gaur egun, Movistar-ek dituen bezeroetatik, 250.000 bezerok dute i-mode teknologia, Internetera konektatzea ahalbidetzen duen teknologia, hain zuzen ere.
Egunero kapitulu bat eta mota guztietako istorioak
Poltsikoko telefono horiekin, egunero nobelaren kapitulu bat irakurtzeko aukera izango dute erabiltzaileek. Literatura mota berri honi "Keiati" deitzen diote Ekialdean, hori da, hain zuzen ere, poltsikoko telefonoek japoniarrez duten izena.
Mota guztietako argumentuak biltzen dituzte kontakizunek, beti ere telefonoetara egokituta. Entrega bakoitzean 2.000 bat karaktere banatzen dira eta irakurketa laburturako idatzita.
Zein ikusmen teknika garatu dute japonian begiak ez galtzeko telefonoan nobelak irakurrita?