Utzi kantatzeari, Alejandro (Sanz)
Alejandro Sanzek gehiago abestu ez dezan sinadura bilketa jarri dute martxan Internet bidez. Venezuelan eskainitako prentsaurreko batean hasi zen dena. Kuriosoa dela, behintzat, ezin ukatu.
Alejandro Sanzek zera esan zuen otsailaren 13an Venezuelan egindako prentsaurreko batean: 3 milioi pertsonek eskatuz gero, kantatzeari utziko diola. Baieztapen horren aurrean, "Alejandro Sanz gabeko munduaren aldeko Aliantza" izeneko taldeak, Leopoldo Briseño izeneko gizonezkoa buru duela, sinadura bilketari ekin dio. Taldea Venezuelako hainbat elkartek osatzen dute.
Prentsaurrekoan Hugo Chavez Venezuelako presidentearen aurkako jarrera argia azaldu zuen. Venezuelan, Chavez-en aurka, oposizioa egiten ari den firma bilketa izan zuen Sanz-ek mintzagai. Horren ildoari jarraiki, eta Chavez erasotuz, adierazi zuen berak kantatzeari utziko ziola hiru milioi pertsonak eskatuz gero.
Musika mundutik at
Gehiago kantatu ez dezan, Sanz-i egiten zaion eskaeraren testua hau da: Alejandro Sanz abeslariak egindako adierazpenen aurrean (milioika pertsonak esaten badidate ez abesteko, ez dut inoiz gehiago abestuko), behean sinatzen dugunok abeslari ezagunari eskatzen diogu inoiz gehiago ez kantatzeko eta musika mundua uzteko".
Sinadura bilketa aurrera doa eta dagoeneko 34500 sinadura inguru lortu dituzte. Sinadura kopurua sarean eguneratzen da; Gainera, Alejandrori sinatzaileek eskaintzen dizkioten mezuak irakurtzekoak dira, zalantza barik.
Erantzunak
Bai, berak esan zuen inoiz ez zela euskaldun batekin ezkonduko. Gainera, badirudi euskaldunekiko xenofobia izatea eta Estatu Batuei aurre egiteko ausardia eta duintasuna duen Chavezi kontra egitea disko salmentak igotzen dituela. Seguraski, honek ez ditu ez euskaldunak ez Chavez benetan ezagutzen, eta ezjakintasunagatik esaten duela esaten duena. Ba orain, ikasi dezala
Ez da nire gustukoa, baina aia kuidaus, kanta dezala nahi duena.
Seguru nago Medemi eman dion babesa dela medio, AVTk sinadura bilketa bultzatuko duela, nola ez!